AGAL lamenta o falecimento do membro de honra José Posada

O empresário, sócio n.º 43 da associaçom, faleceu a pasada madrugada em Ourense

Segunda, 14 Janeiro 2013 17:25

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Era o sócio n.º 43 da AGAL

PGL - O Conselho da Associaçom Galega da Língua (AGAL) fai públicos os seus mais sentidos pêsames diante da morte de José Posada, sócio de honra desde 2005 e destacado empresário sempre ligado à dignificaçom da língua galega. Da AGAL, da qual Posada era um dos seus sócios mais veteranos (n.º 43), querem acompanhar a família nestes difíceis momentos e lembrar o legado do finado.

Posada foi deputado no Parlamento Europeu pola Coligaçom Galega (CG) entre julho de 1993 e julho de 1994, e posteriormente no primeiro semestre de 1999. Foi o primeiro deputado galego no Parlamento Europeu a utilizar o nosso idioma, obtendo desta instituiçom o reconhecimento da unidade da língua galego-portuguesa.

Empresário e dinámico

Nascido em Vigo a 9 de maio de 1940, estivo sempre muito ligado a Ourense. Pousada destacou polo seu espírito inovador e pola sua vocaçom para a exportaçom e a abertura de novos mercados. Foi responsável da empresa dedicada à exportaçom de produtos agrícolas Cuevas e Cia. S.L. de 1962 a 1989. Desde 1989 foi-no de ARPOSA, empresa também dedicada à exportaçom. Ainda, presidiu o Conselho de Administraçom de DROYPER (Distribuiçom de Produtos de Drogaria e Perfumaria) e foi sócio gerente dos Conselhos de Administraçom de ARPON, S.L. e MARRON GLACÉ, S.L.

Autor de diversos artigos na imprensa galega sobre enologia e gastronomia, foi também secretário da Irmandade dos Vinhos Galegos.

 

Reportagem da RTP sobre o galego, com intervençom de Posada

JavaScript is disabled!
To display this content, you need a JavaScript capable browser.

 

+ Ligações relacionadas: