Ferrol reivindicará o legado de Carvalho Calero

Decepçom entre as autoridades municipais pola negativa da RAG a dedicar-lhe o Dia das Letras de 2010

Terça, 07 Julho 2009 10:05

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - A vereadora de Cultura de Ferrol, Mercedes Carbajales, anunciou que a cidade honrará «como merece» o professor e escritor Ricardo Carvalho Calero em 2010, quando se cumprirám cem anos do seu nascimento.

As autoridades municipais nom ocultam sentir «decepçom» pola negativa da RAG a dedicar o Dia das Letras do próximo ano ao insigne galeguista, mas daqui em diante trabalharám para homenageá-lo no seu centenário.

Trata-se de umha intençom partilhada também polo associacionismo cultural ferrolano (e nom só), como ficou provado num acto que tivo lugar no passado sábado e no qual a ensaísta e crítica literária Mercedes Monmany, Pedro Sanz (responsável do coro Toxos e Froles) ou a poeta Elia Rico (presidenta da Sociedade Cultural Medúlio), exprimírom a sua satisfacçom polo facto de o Concelho de Ferrol assumir o compromisso de homenagear Carvalho Calero.

Compromissos de Artábria e da AGAL

Este mesmo compromisso é exibido desde há vários anos pola Fundaçom Artábria e a Associaçom Galega da Língua. Precisamente, o Conselho da AGAL já anunciou na passada semana que iniciarám contactos com entidades reintegracionistas e nom reintegracionistas para realizar o ano próximo diferentes actos de homenagem a Carvalho Calero polos cem anos do seu nascimento, sem esquecer tampouco actividades sobre Uxío Novoneyra, autor ao qual será dedicado o Dia das Letras de 2010.

+ Ligações relacionadas: