Última apresentaçom do manual «Do Ñ para o NH»

Início

AGAL

Através | Editora

Última apresentaçom do manual «Do Ñ para o NH»

Didactismo e actividades lúdicas, selo do professor Valentim R. Fagim

Actualizado em (Quinta, 19 Novembro 2009 08:44)

O manual é tam divertido de ler como sugerem as apresentações

PGL - Hoje, quarta-feira dia 18 de novembro às 19h, terá lugar na Escola Oficial de Idiomas da Corunha a que por enquanto será a última apresentaçom do manual Do Ñ para o NH, da autoria do professor Valentim R. Fagim.

O didactismo e a vertente lúdica som marcas da casa do professor Fagim, por isso nom admira que em apresentações anteriores estas estivessem acompanhadas de concursos do Planeta NH.

Apresentações anteriores

Antes de ir para a Corunha, Valentim R. Fagim já apresentou o manual esta semana em Compostela e Ferrol, e na passada em Vigo e Lugo. Ainda, nas duas últimas cidades as apresentações estivérom acompanhadas de concursos do Planeta NH e exemplares do manual como prémio. Através de um dos blogues de um instituto da cidade da muralha soubemos que umha das equipas ganhadoras está formada por estudantes de bacharelato que concursaram sob o lúdico nome Os Porreiros.

Visom ampla do idioma

O blogue da Fundaçom Artábria publica hoje umha pequena crónica da apresentaçom que o professor Fagim realizou ontem em Ferrol. Após umha breve apresentaçom a cargo do também professor de Poruguês (na EOI de Ferrol) Maurício Castro, o autor de Do Ñ para o NH explicou a estrutura e os objectivos do manual, «que está a fazer sucesso entre os sectores mais interessados por melhorar o galego com a única perspectiva de futuro: a reintegraçom no ámbito lingüístico e cultural que por história e conveniência lhe corresponde».

Segundo a Artábria, Rodrigues Fagim explicou «as particularidades que para a Galiza tem o ensino do português, devido à ainda significativa presença social de umha variante do mesmo, como é o galego». Numerosos exemplos e argumentos «reforçárom a tese principal, a de aproveitarmos o galego ao máximo, sem restriçons ortográficas nem mentais», assinala a Fundaçom.

Instantâneo da apresentaçom do manual em Lugo

A explicaçom do vírus 'decalqueitor' causou mais de umha risada

Umha apresentaçom com Valentim R. Fagim sempre traz consigo o bom humor

Os Porreiros em acçom no concurso Planeta NH de Lugo

Imagem da apresentraçom em Vigo a 9 de novembro

O manual

Do Ñ para o NH leva como epígrafe «Manual de língua para transitar do galego-castelhano para o galego-português». A proposta do autor é partir de um formato de língua para alcançar um outro. A diferença entre ambos é a maior ou menor presença neles do castelhano e do português.

Neste sentido, a estratégia do professor foi partir do facto de os galegos e as galegas falarem já português, mas num formato muito castelhanizado. Portanto, as diferentes unidades batem o ponto naqueles aspetos onde esta interferência é mais evidente. Daí o jogo metafórico com a culinária que aparece na contracapa do livro e a fotografia do autor fantasiado de cozinheiro na apresentaçom.