O presidente da Agal participa numha nova mesa redonda sobre a situaçom do galego
Galego, sem sentido pejorativo. Visons do conflito lingüístico
Quinta, 11 Março 2010 08:43
Valentim R. Fagim lançou no passado ano o manual Do Ñ para o NH
PGL – Hoje, quinta-feira dia 11 de Março, às 20h00, terá lugar no centro social A Revira umha mesa redonda intitulada Galego, sem sentido pejorativo (visons do conflito lingüístico). Na mesa participarám o escritor e professor de ensino meio Séchu Sende, e o presidente da Associaçom Galega da Língua, Valentim R. Fagim.
O presidente da Agal participou também, ontem, numha mesa redonda sobre normativas com Pilar Garcia Negro na seqüência das II Jeiras sobre a Língua Galega, com as que a organizaçom estudantil Comités pretende abranger outras temáticas e dedicar mais tempo à situaçom da língua galega. Para estas jeiras, programárom-se em total de sete mesas redondas e um relatório nos quais se tratará a situaçom actual do nosso idioma em diferentes ámbitos.
Por sua vez, a jornada de hoje terá lugar no CS Revira, que tem novo local social na rua Gonzalo Gallas 4, Ponte Vedra.
+ Ligaçons relacionadas:
