Delegaçom do Governo espanhol na Galiza multa com 600€ activistas pró-galego

Início

Delegaçom do Governo espanhol na Galiza multa com 600€ activistas pró-galego

Entre as pessoas afectadas encontram-se pessoas que participárom no protesto ridiculista de 8 de Fevereiro deste ano

Terça, 09 Junho 2009 16:49

Vários participantes na mobilizaçom ridiculista também fôrom multadas

PGL - A Delegaçom do Governo espanho na Galiza enviou fizo chegar hoje às moradas de numerosos activistas pró-galego notificaçons nas quais som informados de umha multa de 600 euros por participarem em diferentes protestos no dia 8 de Fevereiro, data da manifestaçom de Galicia Bilingüe em Compostela.

Segundo pudemos saber na redacçom do PGL, entre as multadas encontram-se várias pessoas que fôrom identificadas quando participavam num dos actos ridiculistas, enquanto outras o fôrom ao final da manifestaçom quando iam jantar.

O argumento da Delegaçom do Governo é que participárom em actos violentos e impedírom o direito de manifestaçom das e dos simpatizantes de Galicia Bilingüe, argumentos que se contradizem em muitos casos com os testemunhos gráficos e audiovisuais dessa jornada, nos quais é possível ver que muitas das pessoas agora multada apenas de manifestárom de jeito lúdico, exercendo o seu direito à liberdade de expressom.

De forma textual, as pessoas som acusadas de «originar desórdenes graves en las vías, espacios o establecimientos públicos o causar daños graves a los bienes de uso público». A versom policial demonstra ser falsa em muitos casos, pois as pessoas multadas que participárom nos actos ridiculistas em nengum momento chegárom perto da manifestaçom de Galicia Bilingüe, polo que nom a pudérom boicotar de modo algum. Várias notificaçons também figuram com a hora de identificaçom das pessoas, sendo que algumas identificadas por volta das 14 horas (quando iam jantar) figuram como identificadas antes das 12 horas.

Ceivar denuncia repressom

O organismo popular antirrepresivo Ceivar denuncia que a Delegaçom do Governo espanhol na Galiza pratique a «repressom pecuniária como mais um instrumento de coacçom dos movimentos sociais galegos», estratégia da qual culpabilizam o PSOE, partido responsável pola designaçom do delegado e dos subdelegado do Executivo central.

De Ceivar insistem em que as notificaçons apenas informam da multa de 600 euros, enquanto «nom achega provas significativas» para lá dos testemunhos policiais (contraditórios em muitos casos com os documentos gráficos e audivisuais da jornada).

O organismo popular antirrepresivo conclui que «PSOE pretende passar umha factura directa à mobilizaçom social em defesa do galego que neste momento, por via administrativa, já se aproxima dos 30.000€ em sançons».