O Concelho de Castelhom pede de novo a recepçom da TV3 no País Valenciano

O plenário aprovou por unanimidade pedir ao governo central que habilite um canal multiplex para que poda voltar a ver-se TV3

Quarta, 01 Fevereiro 2012 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Cartaz da campanha Volem TV3 al País Valencià!

Llibertat – As quatro forças políticas presentes na câmara castelhonense concordárom em aprovar no Pleno municipal uma declaraçom institucional proposta polo BLOC, na que se ratifica a posiçom da Câmara Municipal sobre a recepçom da televisom autonómica catalá.

A posiçom sobre TV3, que se aprovara agora há um ano, compreende a defesa da ILP apresentada em Madri, a exigência do retorno do sinal e a petiçom à Generalitat valenciana para que negocie com a sua homóloga catalá um acordo de reciprocidade, de modo que TV3 se veja no País Valenciano e Canal 9 no Principado, e que ambas as duas televisons solicitem ao ministério o multiplex que o faga possível.

No mesmo sentido, a Plataforma Sense Senyal_Castelló e Acció Cultural del País Valencià (ACPV) estám a trabalhar juntos em toda uma série de atividades para lembrar que em 17 de fevereiro próximo haverá um ano que os valencianos nom podem sintonizar TV3.

As mobilizaçons terám como encerramento umha manifestaçom que decorrerá pola cidade de Castelhom no próximo sábado 18 de fevereiro, onde se convida a participar a todos os cidadáns do País Valenciano.

 

+ Ligaçons: