Comunicado da Junta Directiva do Ateneu Ferrolám a respeito do Prémio 'Constantino Bellón'

Depois de 18 anos consecutivos,  o 19º Concurso Internacional de Gaita Galega 'Constantino Bellón' nom terá ediçom de 2009

Quarta, 02 Setembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Cartaz da suspendida ediçom deste ano com o tradicional desenho de Luís Seoane

PGL – Ante a ausência de respostas e confimaçons dos organismos oficias a respeito dos apoios económicos necessários para a organizaçom 19ª ediçom, a Junta Directiva do Ateneu de Ferrol decidiu suspender a deste ano 2009.

Num último intento por organizar a 19ª ediçom, o prémio foi adiado para outubro à espera de conseguir novamente as ajudas. A falta de respostas para conseguir o orçamento necessário, motivou a decisom do júri de cancelar por primeira vez em 19 anos o prémio musical.

Em base ao anterior, e polo respeito absoluto que merecem os participantes, a Junta Directiva resolveu devolver os trabalhos apresentados, conhecedores dos esforços e tempo que implica preparar-se para poder participar no Concurso Internacional, para nom manter bloqueadas as partituras apresentadas indefinidamente.

Ainda, da Junta directiva alertam a todos os membros do colectivo cultural galego de que a perda de plataformas de expressom cultural como o Concurso Internacional de Gaita Galega por falta de apoios institucionais, mesmo que só seja temporal, som injustificáveis e acrescentam que os apoios institucionais som imprescindíveis mais do que nunca nestes tempos de dificuldades económicas.

 

+ Ligaçons relacionadas: