Voltárom as Conversas Galegas

As conversas serám no Bar Mattews (Praça da Galera, Corunha) todos os sábados às 18:30 horas

Sábado, 05 Setembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Como vem sendo costume, o Bar Matthews será o cenário das conversas em galego

Conversas Galegas – No sábado 5 de setembro começou a nova temporada das Conversas no Matthews. Um reencontro mui esperado de velhos e novos amigos, no que abundárom temas variados e diálogos fluidos. A mesa, quase cheia ás 18:30, foi o cenário de toda classe de conversas durante mais de três horas.

Nesta ocasiom contamos com a participaçom de Xosé Lorenzo Tomé, escritor e professor de Filosofia no IES Miraflores de Oleiros. Soubemos que acaba de publicar um último ensaio, O silencio dos deuses, no que segue os fios que entrelaçam Literatura e Filosofia. Gozamos moito da sua companhia e das suas reflexons e esperamos penetrar na sua obra em próximos encontros.

O projecto

Conversas Galegas, no bar Matthews, é umha experiência que se desenvolve semanalmente desde o dia 18 de abril de 2009. O seu funcionamento é simples, só há umha hora de inicio e umha hora prevista de finalizaçom. Umha vez ali, acontece o que esperamos: gente desconhecida acode ao balcom do Matthews, encontra-se com outra e juntos compartem mesa e fala.

A temática das conversas é livre, e o objectivo é achegar cada dia mais gente à língua galega, sejam da idade que for, pois nem todo o mundo na Corunha é bilingüe nem é doado para moitos expressar-se numha língua diferente do espanhol. Por isso, recebemos moços e moças que querem expressar-se na língua do povo, galegofalantes comprometidos, personagens públicas galegas, neo-falantes que precisam melhorar sua pronuncia e expressom, pessoas doutros pontos da península e vizinhos de todo o mundo que decidem passar uns meses na nossa terra, como os estudantes erasmus. Entre todos, praticamos galego oral.

Com o objectivo de achegar-nos a mais gente, continuamos a anunciar a iniciativa Conversas Galegas nos espaços públicos da Corunha, polo que elaboramos um novo anuncio que recolhe um texto sobre o galego da comarca:

 

 

+ Ligaçons relacionadas: