Cursos 2009-2010 da Gentalha do Pichel

As pessoas interesadas podem atopar mais informaçom no blogue da Gentalha do Pichel

Quarta, 07 Outubro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Dia de compras no Mercado de Abastos com Mari Carme

Gentalha – A Gentalha do Pichel lança esta semana a sua oferta de cursos formativos para o 2009-2010 com umha ampla variedade. Aguardamos que estes cursos sejam bem acolhidos polo público e pretendemos aportar formaçom e entretemento a maiores e crianças.

A nossa Associaçom pretende oferecer umha alternativa de lazer e tempo livre em Compostela na que aprender desde cousas referentes à nossa cultura e folclore tradicional (cursos de danças e músicas própriamente galegas) até cursos de utilidade diária como o original Curso de Sobrevivência Doméstica no que as pessoas assistentes podem aprender noçons de costura, obras na casa, cozinha básica e economia doméstica. Assimesmo organiza-se um curso de língua e cultura galega para extrangeiros, cursos de alouminhos entre outros.

Além dos cursos ofertados por nós propri@s, contamos com o curso de Capoeira Angola impartido polo Mestre Boca de Rio e o curso de Esgrima Antiga impartido pola Sala de Esgrima Antiga de Compostela (SCEA).

As pessoas interesadas podem atopar mais informaçom no blogue da Gentalha do Pichel, no nosso correio (gentalha [arroba] agal-gz.org) ou no local social da Gentalha (Santa Clara 21 Res-de-Chao)

A continuaçom aportamos a listagem completa de cursos e horários:

CURSOS 09-10

Dança tradicional para quem nom sabe nada (impartido por Chus Caramés; 3ª feira das 20h às 21h) Começa 13 de outubro

Dança tradicional para quem sabe um pouquinho (impartido por Carme Campo; 2ª feira das 20h15 às 21h15). Começa 19 de outubro

Pandeireta e canto iniciaçom (impartido por Jara Ortiz; 5ª feira das19h30 às 20h30). Começa no 8 de outubro

Pandeireta e canto aperfeiçoamento (Impartido por Jara Ortiz;5ª feira das 20h30 às 21h30h). Começa 8 de outubro

Tamboril iniciaçom (impartido por Sandra Tamayo; 3ª feira das 20h às 21h). Começa 13 de outubro

Acordeom cromático (impartido por Sandra Tamayo 3ª feira das 21h às 22h). Começa 13 de outubro

Guitarra iniciaçom (impartido por Rubém Parada 3ª feira das 20h às 21h). Começa 13 de outubro


Cursos monográficos:

Curso de Pandeireta de Acompanhamento a outros instrumentos (impartido por Aitana Cuétara; 2ª feira das 19h às 20h. Duraçom de 3 meses). Começa 19 de outubro

Introduçom à língua e cultura Galegas para pessoas estrangeiras (impartido por Eduardo Sanches. 3ª feira das 19h a 20h; duraçom de 2 meses). Começa 3 de novembro

Curso de Sobrevivência Doméstica:

Módulo1: "Como nom morrer de fame" (elaboraçom de pratos básicos e singelos)
sábados 24 e 31 de outubro

Módulo 2: "biscates e trabalhinhos caseiros" (truques para arranjar cousas na casa)
sábados 7 e 14 de novembro.

Módulo 3: "Remendar, remendarei" (aprendizagem básica de costura para o dia a dia)
sábados 21 e 28 de novembro.

Módulo 4: "Economia doméstica" (truques para poupar dinheiro e os recursos nas cousas de casa)
sábados 12 e 19 de dezembro.

Obradoiro de alouminhos, com Bea Busto e Miguel Salas
13 de Novembro às 19h00


Cursos impartidos na Gentalha por outras associaçons:

Capoeira Angola (mestre Boca de Rio; 4ª das 20 às 21h). Começa 14 de outubro

Esgrima Antiga (impartido pola Associaçom Galega de Esgrima Antiga; professor Tomás Martinez ahola 3ª das 21 às 23h). Começa 13 de outubro

 

+ Ligaçons relacionadas: