Chega novembro, chega o Magusto

O Magusto é umha celebraçom tradicional galega relacionada com a recolhida das castanhas

Quinta, 29 Outubro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

«Polo Sam Martinho fai-se o magusto com castanhas asadas e vinho ou mosto»

PGL – Novembro é o mês do Magusto e os dias de Sam Simom, de todos os santos ou o de Sam Martinho som as datas chave nas que a Galiza celebra a tradicional festa. Diversos centros sociais do nosso país somarám-se nos próximos às multiples celebraçons populares.

Em Ourense, os centros sociais A Esmorga, Auriense, Grândola e Trampitám unirám-se para colaborar e desfrutar da maior festa tradicional da cidade.

O preço da inscriçom será de 10 euros e poderá realizar-se até o dia 7 de novembro. Se alguém se anotar posteriormente a quota sobe para 13 euros. Os organizadores apontam que é importante fazê-lo nas datas certas para facilitar a gestom das compras de churrasco, empadas vegetais, licor-café e outras viandas regeneradoras.

No momento da inscriçom é preciso marcar se se quer ementa vegetariana ou carnívora. Para quem nunca tenha participado neste magusto, às 11:30 horas o pessoal vai combinar na Praça do Corregedor (onde está a Auriense) para posteriormente deslocar-se até o local da folia que está em Monte Alegre. Costuma-se regressar entre 21:00 e 22:00, «portanto já é noite e levar uma lanterna pode ser de grande ajuda especialmente para aquelas pessoas que tenhem umha romance especialmente idílica com o álcool», explicam.

Também em Compostela

Em Compostela, a Gentalha do Pichel realizará a sexta ediçom do Magusto na próxima sexta-feira, dia 30 de outubro, na Praça 8 de Março (Porta do Caminho). Haverá chouriços e castanhas debalde, música e chocolate quentinho. Se chover, a festa continuará no local.

 

+ Ligaçons relacionadas: