Papagrelo 2009: volve o Grelo Folque ao Mosteiro de Monfero

O festival será de balde e os concertos começarám a partir das 21h

Sexta, 30 Outubro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

No festival haverá umha carpa e zonas de acampada livre.

PGL – Em 31 de outubro, véspera de defuntos, acontecerá o milagre da ressurreiçom no mosteiro de Monfero com a reapariçom duns grandes referentes do rock galego: Os Papaqueixos, invocados pola associaçom O Abordelo, para o que será a sua derradeira actuaçom no mundo dos vivos depois de oito anos deambulando polas trevas.

A tal evento, apresentado pola mestra de cerimónias Isabel Risco e no qual se comemorar áo X aniversário do disco A Lóxica Aplastante do Comité de Propaganda, assim como também a primeira década da primeira ediçom do Festival do Grelo Folque, onde se apresentara o homenageado disco.

No evento participarám também os grupos Banda Potemkin, Os Tres Trebóns, Ulträqäns e Os Cuchufellos; grupos pertencentes a  vários dos componentes dos Papaqueixos que seguem em activo na cena musical, e quigérom unir-se a esta homenagem. Ainda, estará presente a charanga Os Veraneantes, que amenizará a tarde fazendo um périplo tasqueiro polas tabernas do concelho.

 

Cartaz do Festival

O grupo Os papaqueixos foi um dos criadores do chamado Rock Bravu e desde os seus começos levou consigo umha linha musical mui ecléctica e heterodoxa, misturando estilos que iam desde o folque até o punk, passando polo funky ou o ska.

Sempre foi um grupo comprometido com os movimentos sociais, sendo especialmente destacável a defesa do idioma galego nas suas músicas, e também fôrom fundadores da associaçom Amelga para a defensa do Galego na música emergente do momento, que juntava mais de 60 conjuntos musicais.

Entre os mais de 200 concertos que Os Papaqueixos figérom por toda a geografia galega, poderíamos destacar os da Foliada de Lalim, Feira das Mentiras, Festival de Pardinhas, Intercéltico de Moanha, Lugnasad, Festa da Fraga entre muitos outros, compartindo cenário com grupos tam diversos como Mau Mau, Amparanoia, Fundación Tony Manero, Barón Rojo, Celtas Cortos, Dipomáticos de Monte Alto, Dusminguets, Tonino Carotone, Manu Chao, Dixebra e muitos outros, o que fala da sua versatilidade de estilos.

Fora da nossa geografia tocárom no País Basco, Catalunha, Castela, Astúrias... e em 1998 fôrom premiados no festival Folque da Junta de Galiza, e finalistas no de Rock.

Logística

O festival será de balde e os concertos começarám a partir das 21h00, mais quem quiger poderá achegar-se depois de jantar para acompanhar os veraneantes polas tabernas.

Para maior comodidade das pessoas ali presentes habilitará-se umha carpa e zonas de acampada livre, para quem nom quiger perder tal acontecimento e desejar ficar e aproveitar para conhecer o Parque Natural das Fragas do Eume.

 


+ Ligaçons relacionadas: