O PP acelera a ofensiva contra a língua com o galho da crise

Em 2009 nom haverá convocatória pública de ajudas ao fomento do idioma

Terça, 03 Novembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

AGIR - O carro do PP vai sem freios contra a nossa língua. Agora conhecemos pola Coordenadora galega de Equipas de Normalizaçom que os orçamentos autonómicos de 2010 recortam 20% os fundos destinados ao fomento da língua no ensino nom universitário.

Outra recompensa aos ultras que levárom o PP de novo ao governo autonómico, graças também a um bipartido incapaz de ilusionar as massas populares que percebemos que alternáncia sim, mas cámbio nengum.

Cumpre destacar que estes fundos assumem umha finalidade dinamizadora mui importante nos centros. Porque? Pois porque estes cartos em partidas extraordinárias servem para reforçar, com o galho da normalizaçom lingüística, muitíssimas actividades que se geram arredor dela.

Assim, os incentivos económicos para o desenvolvimento de obras teatrais, programas intercentros de convivência, estímulo municipal à língua através de actividades esolares, ou os conhecidos jornais editados por numerosas equipas de normalizaçom lingüística, serám rebaixados por obra da direita espanhola.

Está claro que o seu projecto político é contrário ao livre desenvolvimento do nosso Povo, à defesa honesta e sem complexos da nossa identidade cultural. Está claro, enfim, que Galiza é demasiado grande para o calabouço da história a que nos condena o presídio espanhol.

Queremos galego na escola!!
ensino na Galiza, ensino 100% em galego!!