A selecçom galega joga o 26 de dezembro em Compostela

Homens e mulheres saltaram juntos ao campo de jogo a defender as cores de Galiza e o seu direito a disputar competiçons oficiais

Quinta, 24 Dezembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Siareir@s – A organizaçom por parte de Siareir@s Galeg@s dumhas jornadas para as selecçons nacionais supujo um grande esforço pola nossa parte, para isso tenhem participado pessoas de diversas localidades, entidades e perfis, mas todas e todos a actuarmos unidas na procura dum objectivo específico, que neste caso é a defesa dos direitos nacionais da Galiza no terreno desportivo.

Agora só falta que a jornada atinja um grande sucesso, por isso acode a todas as nossas actividades programadas para o sábado, 26 de dezembro. Já sabes: Selecçons nacionais, direito popular!

Com as actividades do dia 26 praticamente fechadas, queremos dar a conhecer os jogadores que participarám no jogo a celebrar às 19h00 em Santa Isabel, assim que termine a manifestaçom que sairá do Passeio da Alameda às 17h00 e terminará no próprio campo. Também queremos aportar umha pequena reflexom sobre a nossa actividade.

Perante estes ataques contra o desporto galego, nom pudemos ficar calados sem fazer nada. Por todo isto, este ano, de Siareir@s Galeg@s, tomamos umha decissom: Se nom o fam eles, faremo-lo nós. Nom contamos com apoio autonómico, nem das federaçons, nem de muitos clubes. Tampouco o precisamos. Contamos com o apoio d@s galeg@s que com a sua vontade estam ano após ano a trabalhar polo desporto galego.

Queremos destacar o apoio e as solicitudes que temos recebido de muitos e muitas jogadoras, apesar de que alguns deles nom poderám acudir polo veto dos seus clubes. Tivemos que realizar umha selecçom na que tampouco tem pesado mais a categoria do jogador nem muito menos o seu género.

Por isso, perante impossibilidade de realizar um jogo da selecçom feminina optamos para esta ocasiom por fazer umha equipa mista. Homens e mulheres saltaram juntos ao campo de jogo a defender as cores de Galiza e o seu direito a disputar competiçons oficiais.

Acreditamos que este é um aspecto muito importante, já que nos dous últimos anos se formárom 24 equipas de futebol de mulheres sénior na Galiza, e cada vez som mais meninhas as que começam a dar pontapés na bola.

Desde que a equipa feminina jogava no Natal, o número de licenças federativas e de clubes femininos multiplicárom-se por três, e isso nom é por acaso.

Conseguiu-se romper preconceitos. Conseguiu-se criar ilusons em centos de meninhas. Fazer visíveis as possibilidades, romper os clichés. Por isso, que desta feita nom haja jogo, afecta especialmente às mulheres. Perante isto Siareir@s Galeg@s vai contar com a presença de seis jogadoras das que cinco já tenhem feito parte da selecçom galega anteriormente.

Dado o carácter misto da equipa como treinadores contaremos com Fernando Vázquez e Pilar Neira, que já treinarom as equipas masculina e feminina em ediçons anteriores. O treinador do combinado internacional será Fabiano, ex-jogador e actual treinador do Compostela. Sob as suas ordens terá jogadores da Argentina, Paraguai e Uruguai, entre outras nacionalidades.

 

Lista de convocad@s Selecçom Galega:

Treinadores:

  • Fernando Vázquez
  • Pilar Neira

Jogadores/as:

  • Adrian Padrón e Daniel Portela (Ourense)
  • Ruben Marquez, Alberto Dominguez, Alberto Mariño, Angelo Liñares e Oscar Seoane “Jimy” (Compostela)
  • Pablo Saboris, Fernando Gonzalez e Oscar Rio (Céltiga)
  • Quico (Arousa)
  • Manu Rodríguez (Vila Longa)
  • Ruben Pisto e Valentin (Verim)
  • Oscar Comis (Coruxo)
  • Daniel Conde, Jorge Colon, Nacho Fernández e Marcos Martinez Munin (Negreira)
  • Carolina Baños Ameneiro, Mónica Naval Cortés, e Mirian Dominguez Marcos (Arousana)
  • Rita Lema (Victoria C.F)
  • Barca Toba Suarez (Orçám)
  • Andrea Cariz (Ponte-Vedra)

 

A esta lista acrescentarám-se algums jogadores mais de 2ª B e, se calhar, algum de categoria superior (neste momento ainda nom estám confirmados totalmente por questons com os seus clubes). Obrigado a todos e todas elas.


Programaçom dos actos a celebrar em Santa Isabel

Antes do jogo lerá-se um comunicado pola parte de Pilar Neira e outras jogadoras da selecçom feminina, incluída a sua capitana Verónica Boquete, na defesa do desporto feminino. Assim mesmo, Antón Reixa lerá um manifesto em defensa das selecçons nacionais, tratando de mostrar assim o rechaço por parte de toda a sociedade, tanto no âmbito desportivo como cultural, da negaçom do nosso direito a ter a selecçom galega. A continuaçom o ciclista David Blanco, ganhador de três Voltas a Portugal, fará o “saque inicial” do jogo. Desta forma do nosso colectivo queremos reiterar o nosso apoio a tod@s @s desportistas galeg@s que, como @s ciclistas, com grandes esforços e poucos meios som quem de sair adiante, bem como denunciar a actuaçom de novo do governo da Junta perante o ciclismo galego.

Sábado, 26 de Dezembro, Selecçons nacionais. Direito popular!

- 17h00 sairá do passeio da Alameda umha manifestaçom sob a legenda “Selecçons nacionais. Direito popular” que percorrerá as diferentes ruas da cidade de Compostela com final no campo de Santa Isabel.

- 19h00 Jogo da Galiza.

- 21h30, e com máxima pontualidade, concerto na Sala Capitol com Machina, Mencer Vermelho e Habeas Corpus

 

+ Ligaçons relaciondas: