Comunicado de Mocidade pola Língua a prol da manifestaçom do 21 de Janeiro

A organizaçom anuncia que realizará outras convocatórias de manifestaçons

Segunda, 04 Janeiro 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

ML – A Assembleia da Mocidade pola Língua convoca para o vindouro 21 de Janeiro a toda a mocidade do âmbito estudantil a manifestar-se a pé de rua por um ensino em galego. Na Galiza imos estudar em galego!

A actual situaçom do galego na mocidade, com umha espanholizaçom histórica, na que a gente nova tem por primeira língua o espanhol, e os contínuos ataques por parte das instituições com o fim de aniquilar a nossa língua no âmbito juvenil que é o nosso futuro, leva-nos à necessidade de umha mobilizaçom constante, em favor da nossa língua.

A actual política lingüística da Junta, eliminando os poucos espaços que tinha o galego no ensino, fam que cada vez menos mocidade tenha o direito de poder estudar na sua língua, quedando esta afastada a um segundo plano de inferioridade, e fazendo que seja vista como umha língua inservível no desenvolvemento diário da mocidade. A colonizaçom do espanhol está presente em todos os âmbitos sociais juvenis, sendo impossível poder desenvolver o nossso dia a dia na nossa língua, sendo por isto o espanhol a única língua imposta na Galiza e com a que nos querem fazer tragar a base de restar-lhe espaços ao galego.

É por isto que temos a necessidade de sair à rua e reclamar o que é nosso. A mocidade galega tem o direito de estudar e viver com plena normalidade na nossa língua nacional, e portanto na única que deve ser oficial, o galego.

Nom queremos decretos de ensino que sejam simples parches para contentar a uns poucos, dum lado ou de outro. O estudantado galego quer poder estudar integramente em galego.

Por todo isto fazemos umha chamada à greve no vindouro dia 21 de Janeiro, e também a luitar na rua por um ensino em galego.

 

+ Ligaçons relacionadas: