Comunicado de FCB sobre o Protocolo Geral de Colaboraçom entre a Junta da Galiza e a de Castela e Leom

Desde o apagom analógico já nom sintonizam as emissons da TVG na regiom berciana

Terça, 19 Janeiro 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

FCB – O colectivo cultural Fala Ceibe do Bierzo, de defesa da cultura e a língua galegas na regiom, informa que na próxima quarta-feira 20 de janeiro vai assinar-se em Santiago um Protocolo Geral de Colaboraçom entre a Junta da Galiza e a Junta de Castela e Leom.

Este texto fará referência a diversos aspectos: saúde, fogos florestais, Jacobeu, ensino do galego, comunicaçons terrestres e demais. Mas muito tememos que dito Protocolo esqueça o tema da recepçom da Televisom Galega Digital nos territórios limites do Eu-Návia, O Berço e As Portelas da alta Seabra.

Fala Ceibe lembra aos meios de comunicaçom da Galiza que há um movimento social amplo que demanda a manutençom da recepçom do sinal da TVG na regiom berciana. Inclusive, pola pressom desta demanda colectiva, já se debateu uma proposiçom nom de boa lei sobre esta problemática nas Cortes de Valladolid a finais do ano 2009, que foi recusada polo Partido Popular.

No mesmo tempo, diversas queixas sobre este particular estam a se tramitar perante os diversos defensores autonómicos, casos do Valedor do Povo da Galiza, o Procurador do Comum de Castela e Leom e o Defensor do Povo estatal.

Ademais, Fala Ceibe indica que as Cortes Gerais estám a preparar umha Lei Geral da Comunicaçom Audiovisual que permitirá que se podam ver as televisons públicas autonómicas em outras comunidades autonómicas vizinhas. Assim já se aprovou uma emenda a esta Lei que permitirá sintonizar as ditas televisões públicas em territórios vizinhos onde tenha “afinidades linguísticas e culturais sempre que assim o lembrem mediante convénios (…)”.

Por todo isto, ao abeiro desta Lei Geral de Comunicaçom Audiovisual, Fala Ceibe do Bierzo demanda, tanto à Junta da Galiza como à Junta de Castela e Leom, que se inclua nesse Protocolo Geral de Colaboraçom inter-autonómico um apartado expresso referido à recepçom da TVG nos ditos territórios vizinhos com Galiza.

Fala Ceibe do Bierzo fai um apelo público aos meios de comunicaçom da Galiza, que assistam à roda de imprensa que celebrará durante a assinatura do dito Protocolo Geral de Colaboraçom, para que perguntem sobre a resoluçom definitiva desta problemática televisiva.

Esta seria a melhor forma de cumprir com a idónea labor social que têm os meios de comunicaçom de Galiza.

 

+ Ligaçons relacionadas: