Inquérito piloto: Gelmires I de Compostela

Na experiência participárom 32,6% do total de pessoas matriculadas no centro

Segunda, 01 Fevereiro 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

AGIR - O centro de ensino IES Gelmires I de Compostela acolheu o dia 17, quinta-feira, em horário de manhá, umha experiência que AGIR pretende levar a mais centros de ensino da comarca capital e do conjunto do País.

Com umha mesa e a sua correspondente urna, militantes de Compostela instalárom durante mais de 3 horas um posto de inquérito e propaganda estudantil dirigido ao conjunto do estudantado do centro.

Mostra de normalidade

Malia os impedimentos interpostos por outros centro de ensino de Compostela, AGIR e o conjunto da comunidade escolar do Gelmires I demonstramos que só o fascismo encoberto de zélo antiactivista pode escusar a atitude censora doutras equipas directivas que vem na autoorganizaçom estudantil um perigo e umha ameaça para a cómoda imposiçom de discriminaçons e domínio adulto sobre um estudantado individualista e desorganizado.

Participaçom e análise

A participaçom do alunado do centro, após consultarmos com a direcçom do mesmo, foi de 32,6% do total de pessoas matriculadas, motivo polo qual expressamos a nossa relativa satisfaçom.

Agradecemos @s noss@s companheir@s estudantes do instituto a sua participaçom. Também, o interesse demonstrado por algumhas pessoas em particular. 

Ainda, queremos sublinhar a importáncia que para nós tem ter provocado certos debates entre o próprio alunado respeito da normativa do galego, o activismo estudantil, a tomada democrática de decissons e, por suposto, o conteúdo do inquérito: a presença do galego nas escolas.

Achamos um enriquecedor avanço esta experiência piloto que nom duvidaremos em continuar a levar adiante.

Resultados:

1. Qual é a tua língua materna?

GALEGO- 52,5%    ESPANHOL- 37%    OUTRAS- 4,4%     AMBAS-3,9%    NULOS- 2,2%

2. Qual é a língua predominante entre o professorado do teu centro?

G- 54,14%   E- 42%   O- 1,6%   N- 2,2%

3.1. Qual é a língua que empregas habitualmente em aulas?

G- 36,5%    E- 57%   O- 4,4%   N- 2,2%
3.2.

3.2 Qual é a língua que empregas habitualmente no liceu, fora de aulas?

G- 35,3%   E- 56%   O- 5%   A- 1,6%   N- 2,2%

4. Estarias de acordo em que o galego tivesse mais presença no programa de estudos do teu centro?

SIM- 59,7%   NOM- 18,2%   INDIFERENTE- 18,2%   NULO- 2,7%