Retirada denúncia contra militantes de NÓS-UP que mostrárom repúdio aos galegófobos em Ferrol

«Defender a língua nom é delito»

Terça, 02 Fevereiro 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

NOS-UP - Finalmente, o representante do grupo galegófobo que organizou em Novembro de 2008 umha palestra para defender a imposiçom do espanhol na Galiza retirou, pouco antes de começar o julgamento em Ferrol, a denúncia contra três militantes trasanqueses de NÓS-Unidade Popular que assistiram à referida palestra.

A retirada da denúncia evidencia, em palavras dos companheiros consultados em Ferrol na manhá de hoje, "a falta de argumentos para umha actuaçom legal contra nós", já que o grupo de ferrolanos que participou como público naquela palestra, mui superior a três, se limitou a mostrar umha discrepáncia política com o colectivo ultra que organizava o evento.

Tal como temos informado, em nengum momento se produziu nengumha agressom nem insulto por parte dos nosso companheiros, que sim fôrom "insultados" polos organizadores chamando-lhes, significativamente, "portugueses". Agora fica clara a falta de peso da denúncia, que coincidiu com outras realizadas polo mesmo colectivo antigalego na Corunha. Nesse caso, o processo legal continua aberto, apesar de que, novamente, os únicos agredidos pola polícia espanhola fôrom as dúzias de corunheses e corunhesas concentradas em defesa da nossa língua.


+ Ligaçons relacionadas: