Iniciativa social arredor das festas populares deste ano

Ainda há tempo para aderir à iniciativa e sugerir mais actividades

Segunda, 12 Abril 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Pretendem articular desde baixo umhas festas autenticamente populares

PGL - No próximo mês de Maio, a cidade de Compostela celebrará as festas da Ascensom. Várias organizaçons da cidade consideram que os festejos nom vam responder às demandas do associativismo, mesmo considerando-o «umha espanholada» e um «estrago de dinheiro».

Por este motivo, diferentes colectivos articularám uns festejos diferentes, umhas Festas Populares «feitas desde abaixo, descentralizadas e espalhadas polos bairros da cidade, que respondam aos interesses e necessidades da vizinhança, participativas e colectivas».

A ideia consiste em organizar actividades para o período entre 7 e 23 de Maio e colocá-las num cartaz/tríptico comum sob a marca de “Festas Populares 2010”. Obviamente, aqueles colectivos que já tinham programaçom prevista e acharem interessante o projecto, «poderám incluir as suas iniciativas na proposta comum».

Os cartazes que cada associaçom editar para publicitar as actividades próprias, deveriam incluir também esta “marca comum” com o objectivo de fazer mais visível a mensagem principal: o associativismo compostelano tem capacidade para trabalhar conjuntamente e quer desfrutar dumhas festas locais autenticamente populares. Destarte, sugerem propor actividades como concertos, cursos, exposiçons, obradoiros, jantares, debates... em definitiva, todo tipo de cousas e do mais variado.

Para financiar a ediçom de materiais, cada colectivo deverá fazer umha pequena achega económica que irá dos 5 aos 20 € em funçom da capacidade de cada um. Actualmente já formam parte da organizaçom umha dúzia de colectivos participantes, e proximamente dará-se a conhecer o programa definitivo.

Os colectivos interessados em participar e enriquecer a proposta, podem enviar um correio dizendo a actividade e a data a festaspopulares2010 [arroba] gmail.com.