Maria Rosendo premiada no VII Certame Literário Feminista do Condado

O trabalho ganhador foi um poema intitulado "Dodra"

Terça, 21 Dezembro 2010 10:58

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Maria Rosendo, ganhadora do prémio

AMC - Esta passada sexta-feira, 17 de dezembro, tivo lugar na livraria Milfolhas em Ponte Areias a entrega do prémio do VII Certame Literário Feminista do Condado. Nesta ediçom a ganhadora foi Maria Rosendo, com o poema intitulado "Dodra".

O lugar do acto tem para nós umha especial importáncia que desde aquí queremos destacar e agradecer, pois desde a livraria sempre tivemos um grande apoio com sua colaboraçom económica desde quase os inícios deste nosso mais desenvolvido projecto no campo literário.

Agradecer também a assistência do júri: Ana Mariño (professora de primária em Salvaterra de Minho) e Chus Suarez (professora de inglés em Ponte Areias).

O trabalho ganhador desta última ediçom fora também premiado com anterioridade na cidade de Compostela, um poema intitulado “Dodra”, do que puidemos disfrutar em directo e por boca de sua autora, Maria Rosendo, que nos efereceu um pequeno recital poético com outros dous poemas a maiores, de sua autoria.

Este ano, a entrega do prémio coincidiu com a ediçom de um novo trabalho no campo cultural da Assembleia de Mulheres do Condado, a ediçom do segundo volume do CD Orgulho de Sermos Mulheres (um duplo trabalho que recolhe mais de umha vintena de cançons de mulheres galegas e do mundo). Porém, quixemos presentear também Maria Rosendo e as membras do júri, como umha pequena amostra do nosso agradecimento.

Será desde já que da Assembleia de Mulheres do Condado continuaremos trabalhando, agora na próxima ediçom, em que atingiremos o VIII Certame Literário Feminista do Condado.