Ediçom 2011 do Concurso de Contos de nenos para nenos “Carlos Casares”

Convocado pola Agrupaçom Cultural O Facho . Também foi convocada uma nova ediçom do Concurso de Teatro Infantil

Terça, 25 Janeiro 2011 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

O Facho –  Recuperados em 2008 os prémios literários que desde os anos sessenta convocou O Facho, nos quais participaram ou ganharam muitos dos escritores e escritoras que hoje fam possível com a sua obra umha literatura galega de qualidade e de grande importância nas letras universais, fai-se a convocaçom para 2011 do Concurso Literário Carlos Casares.

 

O concurso, realizado em afectuosa homenagem ao primeiro ganhador do Certame de Literatura Infantil no ano 1968 com a sua formosa obra A Galinha Azul, que atingiria a honra de ter sido o fito fundacional da bem viçosa Literatura Infantil e Juvenil Galega contemporânea, tem as seguintes bases:

Bases do concurso:

1. Poderám participar crianças que apresentem as suas obras em língua galega. Os trabalhos apresentados deverám ser originais e inéditos em toda a sua extensom.

2. O prazo de admissom de originais finaliza o dia 31 de março de 2011 às doze da noite.

3. A apresentaçom de originais para o Concurso fará-se por correio postal dirigido à sede da Associaçom Cultural O FACHO, R/Frederico Tápia,12-1º 15005 - Corunha. Podendo fazer-se individualmente ou por meio do centro onde frequente os seus estudos.

4. No caso de serem os centros escolares os que apresentarem os originais ao Concurso, deverám fazer umha pre-selecçom de um máximo de dous trabalhos por categoria, qualquer outro terá que ser apresentado individualmente.

5. As obras terám de ser relatos originais e nom estarem editados por nengum procedimento impresso ou electrónico, nem terem sido premiados em qualquer outro concurso ou certame literário e em condiçons para que os seus direitos de publicaçom podam ser cedidos a Associaçom Cultural O FACHO por período de três anos contados a partir do dia da resoluçom do jurado.

6. Para além da originalidade literária, o júri valorizará a riqueza lingüística e o conhecimento gramatical reflectido nas obras.

7. Estabelecem-se duas categorias:

  • Categoria A Crianças de 6 a 12 anos.
  • Categoria B Rapazes e raparigas de 13 a 16 anos.

8. As quantias dos prémios serám as que seguem:

  • Categoria A: 1º 400 € em efectivo - 2º 400 € em efectivo
  • Categoria B 1º 500 € em efectivo - 2º 400 € em efectivo

9. Cada autor só poderá apresentar umha obra atendo-se aos seguintes limites de extensom:

  • Categoria A Um máximo de cinco fólios
  • Categoria B Um máximo de dez fólios

10. As obras terám que se apresentar por duplicado, manuscritas ou mecanografadas, encadernadas ou grampadas e levarám por detrás do último folio os seguintes dados:

  • Nome e apelidos do autor/a.
  • Endereço e telefone.
  • Correio electrónico.
  • Centro onde frequenta os seus estudos.
  • Categoria na qual participa.

11. Os prémios serám eleitos por um júri nomeado pola Associaçom Cultural O FACHO em resoluçom que se fará pública no mês de maio.

12. O júri poderá declarar deserto um ou vários dos prémios do concurso e será o que deverá resolver aquelas situaçons que se apresentarem e que nom contempladas nestas bases, assim como as dúvidas na sua interpretaçom.

13. A participaçom neste Concurso implica a aceitaçom das presentes bases.


+ Ligaçons relacionadas: