Resoluçom da VI Assembleia Nacional de NÓS-UP. "Em defesa da nossa língua própria e nacional: o galego"

"O idioma galego constitui nom só o principal sinal de identidade do nosso povo, mas também o melhor termómetro do estado de saúde da Galiza como realidade nacional diferenciada e viável"

Terça, 27 Dezembro 2011 11:58

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

NÓS-UP - A estratégia sustentada contra a nossa língua protagonizada polo espanholismo, com o especial protagonismo do PP e a cumplicidade das restantes forças institucionais, económicas e dos principais partidos políticos ao serviço do regime espanhol, ameaça seriamente nom só possíveis avanços para o galego, mas também as tímidas conquistas das últimas décadas.

O idioma galego constitui nom só o principal sinal de identidade do nosso povo, mas também o melhor termómetro do estado de saúde da Galiza como realidade nacional diferenciada e viável. Por isso, na luita pola língua jogamos todo: o ser ou nom ser, a dignidade coletiva e as verdadeiras possibilidades que temos de construir um futuro independente para este povo.

O espanholismo sabe bem que isso é assim, daí que queira acelerar o extermínio que leva protagonizando há séculos contra a Galiza e a sua língua.NÓS-Unidade Popular, como parte da Galiza consciente e empenhada em existir, fai público o seu compromisso firme e até o final pola plena regaleguizaçom no nosso país, oferecendo para isso toda a disponibilidade para a leal e aberta colaboraçom com todos os setores sociais que coincidem em idêntico objetivo, até a definitiva derrota dos planos do espanholismo.