Gentalha do Pichel organiza roteiro natural, histórico e cultural pola Alameda compostelana

Com a presença de Encarna Otero, Elias Torres e Miguel Serrano

Sexta, 01 Junho 2012 10:08

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Gentalha - Este domingo, 3 de junho, às 11h15 ao pé do monumento a Maruja e Corália, (“As Marias”), iniciará-se um passeio polo parque mais santiagués de Compostela. Este roteiro envolve umha nova iniciativa da comissom de língua da A.C. A Gentalha do Pichel para conhecer um pouquinho mais a história, cultura e natureza ligada a este entorno da cidade de Compostela.

Para achegar-nos aos diferentes aspetos que este espaço oferece contará-se com a presença de: Encarna Otero, historiadora e professora no ensino secundário; Elias Torres, filólogo e professor na USC e Miguel Serrano, biólogo e professor também na USC

A Gentalha do Pichel é umha associaçom cultural que desde hai oito anos vem dinamizando a vida social e cultural da cidade compostelana oferecendo e reivindicando umha cultura e um lazer alternativo e em galego. Neste caso, tenciona ajudar-nos a conhecer mais umha vez a nossa cidade. Conhecer o seu presente e o seu passado através dum espaço que, para além de ser lugar de recreo, apresenta umha grande biodiversidade natural e é testemunho da história de Compostela.