Documentário '15 anos da Fundaçom Artábria'

Quinta, 24 Janeiro 2013 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Fundaçom Artábria - Neste ano 2013, a Fundaçom Artábria, primeiro centro social militante do reintegracionismo de base aberto na Galiza, lá em 1998 em Ferrol, fai os seus primeiros 15 anos.

Umha ocasiom como esta merece um esforço para que fique o testemunho do trabalho realizado durante todos estes anos por tantas pessoas: as que estavam e já nom estám, as que se mantenhem connosco, as que se fôrom e nom esquecemos, as que vinhérom e hoje mantenhem o rumo com novas iniciativas, com os mesmos princípios e com um novo jeito...

Esse esforço vai concretizar-se, se o conseguirmos, num documentário sobre a história da Fundaçom Artábria. Um trabalho audiovisual que queremos fazer profissionalmente, com a qualidade que um aniversário com este merece. Umha homenagem a centenas de ferrolanos, ferrolanas, trasanqueses, galegas e mesmo companheiros e companheiras doutros países que colaborárom e colaboram para manter em pé este facho de defesa da língua e da cultura nacionais galegas.

Como sempre desde o primeiro dia, a nossa economia é humilde e nom dá para grandes celebraçons, pois somos pessoas trabalhadoras que nestes tempos sofremos diretamente os efeitos da crise imposta. É por isso que decidimos apelar mais umha vez ao nosso povo, à Terra de Trasancos e à Galiza inteira, para tornarmos possível esta ideia.

Acabamos de lançar umha proposta de um croudfunding para que sejamos muitas e muitos os que financiemos um trabalho audiovisual que ficará como património do nosso povo, como testemunho do trabalho de base em defesa da identidade galega. De que o nosso povo nom se rende e constrói o seu futuro com as raízes na história das e dos compatriotas que nos precedêrom.

Tu, que como nós, continuas a acreditar nessa mesma causa que nos une, podes fazer o teu contributo económico para que o projeto seja possível.

Com a tua ajuda, vamos celebrar os 15 anos da Fundaçom Artábria com um documentário para a história!