A Fundaçom Artábria denuncia a campanha propagandística de obras públicas em Ferrol, polo seu uso exclusivo do espanhol

Nom temos notícia de que a oposiçom municipal tenha levantado a voz

Segunda, 11 Maio 2009 08:22

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Artábria critica o desleixo das autoridades municipais perante esta situaçom

Fundaçom Artábria - A cumplicidade do Governo municipal de Ferrol está a permitir que nestes dias se ince o nosso concelho de painéis de grandes dimensons assinados polo governo espanhol, fazendo propaganda do investimento em obras públicas que, em si mesmas, a Fundaçom Artábria nom pom em causa.

Pomos em causa, e denunciamos, a falta de respeito que supom para com os ferrolanos e ferrolanas o uso exclusivo do espanhol na propaganda, que só é possível graças à permissividade da equipa de governo que preside Vicente Irisarri.

Tampouco temos notícia de que a oposiçom municipal tenha levantado a voz para dizer alto e claro que os ferrolanos e as ferrolanas temos, como galegos e galegas, direito à nossa língua, que atravessa um momento crítico para sua sobrevivência e necessita um apoio decidido das instituiçons públicas.

Em lugar disso, e apesar da existência formal de um organismo como o Conselho Municipal de Língua, o desleixo favorecedor da presença exclusiva do espanhol continua a caracterizar a política do governo ferrolano do PSOE em matéria de língua. A Fundaçom Artábria exige umha imediata rectificaçom neste caso concreto e umha mudança significativa nas atitudes do actual governo numha matéria tam importante como é a normalizaçom do nosso idioma.