Entre 30 e 60 mil pessoas botárom-se à rua em defesa do galego no ensino

A greve no ensino nom universitário tivo um seguimento dos 90%

Reacções: o PP instala-se no «vale tudo» contra a oposiçom

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Apesar de ser um dia laborável, a participaçom foi histórica | Foto: M. P.

PGL - Até 60 mil pessoas segundo a organizaçom, a metade para a polícia local de Compostela, participárom ontem na manifestaçom em defesa do galego no ensino nom universitário. Diferentes organizaçons contacatadas polo Portal salientam a grande participaçom apesar de ser um dia laborável.

Porque mesmo as estimaçons mais baixas, as 30 mil pessoas que dam as fontes policiais, situam-se muito perto das cifras de outras grandes mobilizaçons que se tenhem dado em domingo, data mais propícia para congregar milhares de pessoas vindas de todos os pontos da Galiza.

Dirigentes políticos e sindicais, pessoeiros da vida social, económica e cultural do nosso país deixárom-se ver hoje na manifestaçom que saiu da Alameda de Santiago de Compostela e que encheu a praça do Obradoiro, o mesmo lugar onde em 30 de dezembro se protestou contra o anúncio de novas políticas desgaleguizadoras.

Polo menos 30 mil pessoas manifestárom-se contra as
políticas desgaleguizadoras da Junta
[Foto: Miguel Penas]


Vista da ateigada Praça do Obradoiro
[Foto: Miguel Penas]

JavaScript is disabled!
To display this content, you need a JavaScript capable browser.

Videogaleria

Greve

Pola sua parte, a greve no ensino nom universitário também foi um completo sucesso. As organizaçons sindicais, que sem fisuras apoiárom a convocatória, situam em 90% o seguimento da greve por parte do professorado e do alunado. Apenas houvo aulas com relativa normalidade no ensino privado, pois o sector nom estava convocado.

Nota da redacçom: podeis fazer-nos chegar as vossas fotografias desta jornada a noticias[arroba]pglingua.org

 

+ Ligaçons relacionadas: