Como foi feita a Revolução dos Cravos: palestra de Otelo Saraiva de Carvalho disponível para escutar

Já está disponível a gravação de áudio da palestra realizada por Otelo Saraiva de Carvalho sobre a Revolução dos Cravos, organizada pola Associaçom Lefre de Caldereta

Segunda, 18 Outubro 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Diário Liberdade - No passado dia 8 de Outubro, a cidade galega de Ferrol acolheu a visita de umha lenda viva do passado século: o revolucionário português Otelo Saraiva de Carvalho.

Convidado pola Associaçom Cultural Lefre de Caldereta, o veterano militar português, protagonista, junto a outros camaradas de armas, da queda da ditadura salazarista, apresentou umha magnífica exposiçom da génese e desenvolvimento da chamada Revolução dos Cravos.

O Diário Liberdade estivo na sala onde Otelo demonstrou a sua capacidade oratória e a fidelidade às ideias que o levárom a protagonizar um dos grandes eventos sociais do Século XX.

A seguir, apresentamos o áudio resultante da nossa gravaçom da palestra de Otelo, junto a algumhas fotografias do evento. Retiramos o áudio correspondente às apresentaçons, realizadas por Manolo Bacalhau, Xosé María do Barro e Bernardo Maiz, dada a longa duraçom da sessom. Na versom que reproduzimos a seguir só está a palestra de Otelo e a música que se seguiu, a cargo da cantora ferrolana Maria Manuela e do público, que concluiu o acto cantando Grândola, Vila Morena.

Consideramos altamente recomendável escuitar este áudio a qualquer pessoa interessada em saber como foi possível derrubar umha ditadura fascista sem disparar um só tiro e porque o que ameaçava com se converter em primeira revoluçom socialista da Europa Ocidental nom passou da adaptaçom à ordem burguesa dominante.