Alexandre Banhos entrevistado no jornal A Peneira Dixital

Na actualidade, Alexandre Banhos preside a ACOPEUS (Associaçom de Consumidosre de Produtos e Utentes de Serviços da Galiza)

Sexta, 18 Setembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Alexandre Banhos é sociolingüista e sindicalista

PGL – O jornal A Peneira Dixital entrevistou Alexandre Banhos, sociolingüísta e ex-presidente da Associaçom Galega da Língua, que falou da sua experiência como dinamizador linguístico e dos novos projectos em que anda envolvido.

Na entrevista, Alexandre Banhos fala da sua etapa como presidente da AGAL e destaca como um dos sucessos desse período a renovaçom do Portal Galego da Língua, que no seu novo formato fai hoje mesmo um ano. Também valorizou positivamente a recuperaçom de associados e da actividade editorial, assim como maior presença da associaçom na lusofonia, êxitos que atribuiu ao trabalho do Conselho que presidiu.

Alexandre Banhos, que também participa no relançamento da Fundaçom Meendinho, explica algum dos vários projectos do colectivo para o próximo ano, entre os que destaca o financiamento dum monumento a Carvalho Calero em comemoraçom do 100º aniversário do seu nascimento.

Já no fim da entrevista, Banhos analisa a situaçom actual da língua galega, apontando para o eminente processo de substituiçom lingüística. Na mesma linha do anterior, o sociolingüista viguês denuncia as medidas castelhanizadoras do actual Governo da Junta da Galiza e explica a situaçom totalmente contrária do Governo dnamarquês, «um país que tem um respeito extraordinário polos direitos lingüísticos, tanto dos da Gronelândia como dos das Ilhas Faroé».

 

+ Ligaçons relacionadas: