Fernández Albor: «O galego é importante porque é umha maneira de aprender português facilmente»

Em julho e agosto terám lugar os primeiros cursos de português no Porto focados para o público galego

Segunda, 24 Maio 2010 11:01

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Gerardo Fernández Albor foi presidente da Junta

PGL - O ex presidente da Junta da Galiza, Gerardo Fernández Albor, defendeu recentemente no Xornal de Galicia a utilidade do galego para comunicar com os perto de 200 milhons de pessoas que componhem a Lusofonia.

Para Fernández Albor, o nosso idioma «é importante, porque é umha maneira de aprender português facilmente, e esta língua falam-na mais de 200 milhons de pessoas». Aliás, o ex presidente da Junta enfatizou que «temos umha opçom fantástica para nos relacionarmos com o Brasil ou com os países lusófonos da África. De facto, nom creio que tardemos muito em ver como muitos galegos vam trabalhar a Angola».

Na alargada entrevista, Fernández Albor trata outras questons como as polémicas ao redor do decretaço ou a análise da actualidade política.

Cursos de português em Portugal

Por outra parte, durante os meses de julho e agosto terám lugar na sede da academia inLingua (Porto) os primeiros cursos de português dirigidos especificamente para galegos/as, organizados pola Associaçom Galega da Língua (AGAL) e a associaçom de intervençom cultural Andaime.

Esta iniciativa procura dar resposta às inquedanças de numerosas empresas, profissionais, movimento associativo e persoas que procurárom nos últimos anos um maior e melhor conhecimento do português polas oportunidades económicas, laborais, educativas, culturais e de promoçom em diferentes ámbitos da que é actualmente a sexta língua mais falada no mundo.


+ Ligaçons relacionadas: