Valentim R. Fagim: «A nossa ideia central é levar à sociedade o discurso reintegracionista»

O presidente da AGAL, foi entrevistado polo diário digital GZNación respeito da situaçom actual da língua galega

Quarta, 17 Junho 2009 06:30

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Valentim R. Fagim, presidente da AGAL

PGL - Numha entrevista concedida ao diário GZNación, o professor e actual presidente da AGAL, Valentim R. Fagim, reflectiu sobre a situaçom actual do galego e do movimento reintegracionista.

O presidente da AGAL, falou da relaçom do novo Conselho com o equipo anterior e dos reptos imediatos aos vai ter que fazer fronte a Associaçom. A respeito disto último, salientou: “A nossa ideia central é levar à sociedade o discurso reintegracionista. Para isto é preciso seguir estratégias diferentes segundo o perfil do público alvo: Internet, FAQ, cultura do Brasil e Portugal, Fórum da Língua...”.

Valentim R. Fagim também se pronunciou sobre as três consequências importantes do ponto de vista linguístico que tivo o facto de a Galiza ter ficado inserida no Reino de Espanha: “Relegada às funçons sociais mais periféricas: a oral e a familiar (...) A segunda foi a castelhanizaçom, muito maior do que se ensina nas escolas. O pior é que o processo continua (...) Umha terceira consequência que nom recolhem os manuais escolares é a estrangeirizaçom do português (portanto do "galego") e a naturalizaçom do castelhano”.

O relacionamento com outras organizaçons (RAG ou A Mesa) e a solicitude de dedicar o Día das Letras Galegas a Carvalho Calero, som algumhas outras questons tratadas na entrevista.

 

+ Ligaçons relacionadas: