Apresenta-se a programaçom de 'La Foliada '08'

Boiro, Burela, Cerzeda e Redondela participam este ano no acto de irmanamento galego-catalão

Quinta, 25 Setembro 2008 06:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

'La Foliada 08', os dias 3, 4 e 5 de Outubro

PGL - Nesta quinta, 25 de Setembro, apresenta-se em Compostela a programaçom lúdica e festeira para La Foliada '08, acto de irmanamento galego-catalão que se celebrará em Barcelona os dias 3, 4 e 5 de Outubro. Na ediçom deste ano, as localidades galegas convidadas som Boiro, Burela, Cerzeda (que acolheu a ediçom anterior) e Redondela.

La Foliada '08 celebrará-se na zona do Nou Barris barcelonês, e na organizaçom intervêm o centro social Aturujo de Boiro, a SCDR Palestina de Burela, a A. C. Lucerna de Cerzeda e Milho Verde de Redondela.

O principal objectivo desta festa é a de «propiciar a troca cultural entre realidades periféricas, pouco visíveis e que nom têm espaço nos principais circuitos comerciais», assinalam da organizaçom, ao tempo que batem o ponto em que nenhuma das localidades galegas antes mencionadas formam parte da centralidade cultural de Barcelona ou da Galiza.

As actividades de La Foliada estarám focadas para quatro objectivos básicos: a mobilidade (o Nou Barris é objecto de grande pressom urbanística), a defesa da língua, a memória histórica e a defesa do território. Paralelamente aos actos mais lúdicos, também haverá debates sobre diferentes temas vinculados a estes objectivos.

Crítica e festa

Da organizaçom lembram que a foliada, para lá de sinónimo de festa nocturna, era também umha peça teatral representada no Entrudo e na que se fazia crítica, «o qual fazia necessário um trabalho colectivo, de vizinhança implicada num projecto comum», assinalam.

Irmanamento

A alternância entre a Galiza e a Catalunha para a organizaçom da festa «converte-se no motor que faz possível dar conta da principal motivaçom do festival: a troca», pois põem-se em contacto pessoas, colectivos e artistas de diferentes pontos dos dous países, «ampliando a dinâmica de bairro [do Nou Barris] e conectando novas redes para partilhar experiências».

 

Cartaz de La Foliada 08

[clicar aqui para ampliar a imagem]

 

+ Mais informaçom:

  • Podem descarregar o programa na íntegra em formato PDF clicando aqui.