Chega o Liet Lavlut, festival da cançom em línguas menorizadas

Este ano decorre na Lapónia, conta com a participaçom dos galegos Boy Elliott and the Plastic Bags e é retransmitido em directo pola Rádio Galega

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - Hoje sábado, 18 de Outubro de 2008, tem lugar a quinta ediçom do Liet Lavlut, o festival mais famoso de músicas em línguas menorizadas da Europa. Neste ano o evento decorre em Luleå, umha cidade localizada em território sami (Lapónia), dentro as fronteiras da Suécia, e reúne onze grupos diferentes que concorrerám polo prêmio ao melhor artista de 2008.

O concurso tenta evitar umha visom folclorista das culturas participantes, e boa mostra disso é a variedade musical das bandas presentes que vai desde a cançom de autor até rock e hip-hop. Os participantes fôrom escolhidos bem por ganharem um concurso musical anterior ligado a este festival, bem por votaçom do júri.

Em anteriores ediçons do Liet Lavlut participárom artistas com músicas em língua basca, bretoa, catalá, córnica, frisoa, friulana, gaélica, galega, manx, occitana, romanche, sami (lapoa), sorábia e galesa. Na primeira ediçom ganhou umha música em catalá, e a música sami ganhou as últimas três, com o galego a ficar em segundo lugar na ediçom de 2006, da mão de Narf.

A banda ferrolana Boy Elliott and the Plastic Bags, ganhadora do concurso A Polo Ghit 2008, representará Galiza nesta Quinta ediçom. Desta vez os galegos estarám acompanhados por mais sete grupos vencedores doutros reconhecidos festivais:

  • Morders, ganhadores do festival de Laulun-Laulut (países bálticos e escandinavos); cantam em mordovo, uma língua finoúgrica do este da Federaçom Russa.
  • Surunmaa, também ganhadores do festival de Laulun-Laulut; cantam em mëankieli, outra língua finoúgrica, muito próxima do finés, que se fala no norte da Suécia.
  • Gwennyn da Bretanha, ganhadores do festival Nos Ur de música das naçons celtas, cantam em bretom.
  • Yr Annioddefol, de Gales, igualmente ganhadores do festival Nos Ur.
  • Elin Kåven, ganhador do Sámi Grand Prix de Kautokeino, no Festival de Semana Santa; cantará em sami.
  • Jelte Posthumus e a sua banda Pilatus Pass, ganhadores do Liet, secçom frisoa do Liet Lavlut; cantarám em língua frisoa.

As outras quatro bandas fôrom seleccionadas por um júri, valorizando «a qualidade musical, a popularidade, a língua representada, a idade e o género». Os grupos escolhidos fôrom:

  • Dixebra, umha banda consolidada no panorama musical asturiano.
  • Carnicats, do Friul.
  • Jacques Culioli, da Córsega.
  • Spasulati, umha banda da minoria arbëreshë, falantes de albanês que habitam principalmente a Calábria, no Estado italiano.

O acontecimento poderá ser acompanhado ao vivo pola Rádio Galega e Sameradion, de 18h30 a 21h00. Entre as 20h30 e as 21h00, abrirá-se um sistema de votaçom popular através da página do concurso, http://www.liet-lavlut.eu, para decidir o grupo ganhador desta ediçom.

Conferência sobre os dez anos da Carta

Paralelamente ao concurso de música estám agendadas outra série de actividades que já começárom no passado dia 16. A mais destacada é a conferência sobre o décimo aniversário da Carta européia das línguas menorizadas, organizada polo Conselho da Europa, que analisará a situaçom das línguas menorizadas europeias e o apoio fornecido polos diversos governos, bem como as relaçons entre as ONG especializadas nesta questom e as instituiçons européias.

 

+ Notícias relacionadas:


Actualizaçom a 25 de Outubro de 2008
 
O cantor corso Jacques Culioli foi o venceder absoluto nesta ediçom, com a música Hosannah in Excelsis. Na disputa polo prémio do júri, os asturianoss Dixebra e a cantora sami Elin Kåveuen empatárom na segunda posiçom, e no que diz respeito ao prémio do público, o segundo lugar foi para a bretoa Gwennyn e o terceiro para Surunmaa.