PGL - A dia 7 de fevereiro, a professora e ensaísta María do Carme Ríos Panisse falará dentro do ciclo Língua, Literatura e Naçom organizado pola Agrupaçom Cultural O Facho. “Joam M. Pintos, a sua obra poética dispersa” é o título do relatório. O ato decorrerá às 8 do serao na sede da Real Academia Galega, na Rua Tabernas nº 11, na Cidade Velha da Corunha.

Carme Ríos Panisse estudou Filologia Románica na Universidade de Santiago de Compostela, onde se doutorou em 1973. Foi docente da USC nos Departamentos de Lingüística e Literatura Galega até que em 1982 conseguiu a Cátedra de Língua e Literatura Galega no IES "Rosalía de Castro" em Santiago.

É autora de vários livros de filologia e de crítica da literatura galega moderna, campo em que também publicou numerosos artigos.

Como estudiosa do século XIX, do Facho salientam o seu contributo para o projeto Galicia de Hércules de Ediciones com as partes pertencentes ao tomo XXXI, intituladas “Prerrexurdimento (1808-1840)” e “Os Inicios do Rexudimento (1840-68)”, a autoria de numerosas vozes do Dicionario da Literatura galega de Galaxia, e do artigo “Contos da miña terra (1864)”, primeira ediçom do Conto galego atribuído a Rosália de Castro (Revista Grial 126). Em muitos destes trabalhos estava presente a figura de Joám Manuel Pintos Vilar ao que dedicou também o estudo Obra poética dispersa de X. M. Pintos Vilar.

Joám Manuel Pintos Vilar (Ponte Vedra, 1811 - Vigo, 1876) é considerado um dos precursores do Rexurdimento literário galego. Além de sua obra espalhada em jornais, revistas e folhetos, A gaita gallega (1853), a sua única obra publicada em vida, situa-o num lugar importante dentro da literatura galega, por ser a primeira escrita em galego “segundo a gramática castelhana” (Wikipédia em português) ou “moderno” (Wikipedia em galego ILG-RAG).

Dia: 7 de Fevereiro - Hora: 8 do serao

Local: R. Academia Galega

R/ Tabernas nº 11- Cidade Velha – Corunha

+ Ligaçons relacionadas:

• Obra poética dispersa de Xoán Manuel Pintos Villar ^PDF
• Obra poética dispersa de Xoán Manuel Pintos Villar (Cultura Galega)
• Obra Poética dispersa de Xoán Manuel Pintos Villar (Conselho da Cultura Galega)
• Obra poética dispersa de Xoán Manuel Pintos Villar (Rede de Bibliotecas de Galicia)
• Índice da série de Literatura (Hércules de Ediciones)
• “Análise estilística de três sonetos de Camões” ^PDF
• Site da A.C. O FACHO
• Mais sobre palestras do Facho no PGL