Fagim e Pichel ministrarám um ateliê em Carvalho sobre a internacionalizaçom de empresas

Graças à nossa língua, as empresas galegas contam com umha vantagem competitiva face a quaisquer outras do Estado espanhol

Quarta, 12 Dezembro 2012 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - Valentim Fagim e José Ramom Pichel, autores do livro O Galego é uma Oportunidade, ministrarám na quarta-feira, dia 12 de dezembro, um ateliê sobre a internacionalizaçom de empresas. A atividade, focada para empresários e empresárias, terá lugar às 20h20 no Fórum Carvalho.

Fagim e Pichel explicarám as vantagens da nossa língua para a internacionalizaçom das empresas, pois dentro os principais mercados emergentes, os países BRIC (Brasil, Rússia, Índia e China), a Galiza compartilha o idioma com um deles, aliás uma potência económica em continuado crescimento. Isto situa as empresas galegas com umha clara vantagem face a quaisquer outras do Estado espanhol.

Ainda, do ponto de vista turístico, os estabelecimentos hostaleiros galegos também têm umha clara vantagem sobre os do resto do Estado espanhol: através do galego, e com um mínimo esforço, é possível perceber e comunicar-e sem problema com a clientela portuguesa e brasileira.

O ateliê, de hora e meia de duraçom, está orgnaizado pola Câmara Municipal em colaboraçom com a Associaçom de Jovens Empresários de Bergantinhos, a Comunidade de Proprietários do Polígono de Bértoa e a Associaçom de Profissionais do Setor Turístico da Costa da Morte.

As pessoas interessadas em participar no ateliê devem confirmar previamente presença no telefone 981 704 304 ou endereçar umha mensagem eletrónica para nelvidal[arroba]carballo.org.