Carlos Garrido leciona em Vigo um curso de iniciaçom à língua galega

A atividade é organizada polo Centro Social Lume

Quarta, 09 Janeiro 2013 09:21

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Carlos Garrido e professor da UVigo e presidente da CL-AGAL

PGL - A partir do vindouro 15 de janeiro, o professor Carlos Garrido, presidente da Comissom Lingüística da AGAL, ministrará um curso de iniciaçom à língua galega no Centro Social Lume, em Vigo.  O horário é de 20 a 21h30 as terças e quinta-feiras. O prazo de inscriçom está já aberto, e o custo é de apenas 10€ mensais.

Para se inscrever ou pedir mais informaçons, basta com se achegar ao local social, sediado no rés-do-chao da Rua Rouxinal n.º 16, ou endereçar umha mensagem eletrónica para centrosociallume[arroba]gmail.com.

Carlos Garrido

Estudioso da língua especializada, lexicógrafo e tradutor científico. Autor de diversas obras, como o Dicionário Terminológico Quadrilíngue de Zoologia dos Invertebrados (1997) e o Manual de Galego Científico (1.ª ed. 2000, 2.ª ed. ampliada 2011), Carlos Garrido é professor titular da Universidade de Vigo, onde lecciona 'Traduçom de Textos Científicos e Técnicos Inglês/Alemám-Galego', e, desde o ano 2009, preside a Comissom Lingüística da Associaçom Galega da Língua.