II Jornadas de Análise para o Ensino Popular: Um mergulho na imersom

Todas as atividades som de graça, exceto a sessom prática

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

As jornadas decorrem no Centro Social O Pichel, em Compostela

PGL - Os dias 22 e 23 de fevereiro decorrerá em Compostela a segunda ediçom das Jornadas de Análise para o Ensino Popular. As sessões começarám na sexta-feira pola tarde com umha palestra acerca da escola e o valor da língua e umha segunda sobre a educaçom plurilíngue.

As atividades vam ser ministradas polos professores Celso Álvarez Cáccamo e Luci Nussbaum, respetivamente.  Na manhã do sábado haverá umha sessom prática com membros da associaçom La Bressola, especialmente destinada aos docentes de infantil e primária, a respeito das estratégias para favorecer o uso da língua em crianças. Depois, a jornada decorrerá com a exposiçom de experiências educativas de imersom linguística: umha palestra sobre as Galescolas lecionada por Carme Adán e mais umha sobre iniciativas anónimas por conta das professoras de primária Pilar Gonçales e Marga Alborés, que farám percurso polas iniciativas galegas.

A seguir, Eva Bertrana, Miquel Mayol, e Joan Ridaura, de La Bressola, vão expor o caso das escolas Bressolas da Catalunha Norte. Aliás, o primeiro ano de vida das Escolas de Ensino Galego Semente vai ser objeto de análise na derradeira sessom. Para pôr o ponto final às hornadas haverá ceia e baile. As atividades decorrerám no C. S. O Pichel (Rua Santa Clara n.º 21, Compostela) e som de graça exceto a sessom prática, que tem vagas limitadas e custo de 12 euros.

 

Cartaz-programa das jornadas
[prima aqui para alargar a imagem]

 

+ Ligações relacionadas: