O Facho convoca concurso de teatro infantil

O prazo de envio de originais finalia a 30 de abril

Terça, 12 Fevereiro 2013 09:36

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - A diretiva da Agrupaçom Cultural O Facho convoca umha nova ediçom do seu concurso de teatro infantil. Poderám participar qualquer pessoa, sem restriçom, sempre que a obra seja inédita e redigida em língua galega. O prémio, a ediçom da obra e um lote de livros do género teatral.

A seguir reproduzimos as bases do concurso:

1º) Poderám optar ao devandito prémio todas as pessoas que apresentarem obras inéditas –em qualquer tipo de suporte- nom representadas, nem premiadas, noutros certames e que estejam escritas em língua galega.

2º) Estabelece-se como prémio único a ediçom da obra ganhadora, da qual o autor ou autora receberá 100 unidades e um lote de livros teatrais.

3º) A obra, que nom poderá exceder os 80 fólios, será presenteada por quintuplicado, em formato DIN A4, a duplo espaço e mecanografados por umha só cara.

4º) Os originais para o Concurso enviarám-se por correio à sede da Associaçom Cultural O FACHO. R/ Frederico Tápia n.º 12-1º Corunha (15005) ou à Caixa de Correios n.º 46, Oficina Principal da Corunha. Apresentarám-se sob um lema, que figurará na capa dos textos enviados, e virám acompanhados de um envelope fechado que contenha no exterior o lema da obra e, no interior, o nome, apelidos e telefone do autor ou autora.

5º) O prazo de admissom de originais finaliza o dia 30 de abril de 2013 às doze da noite. O falho do prémio fará-se público no mês de maio.

6º) Os ganhadores serám escolhidos por um júri nomeado pola Associaçom Cultural O FACHO. O mesmo está composto por pessoas de reconhecido prestigio no âmbito teatral galego.

7º) O júri poderá declarar deserto um ou vários dos prémios do concurso e será o que deverá resolver aquelas situaçons que se apresentarem ou nom estiverem recolhidas nestas bases, bem como as duvidas que podam existir na sua interpretaçom.

8º) A participaçom neste Certame implica assumir as bases do mesmo.

9º) Os originais nom premiados poderám ser retirados, no prazo de 30 dias, no local do Facho, prévio correio dirigido ao endereço postal da Agrupaçom. No caso de que o autor o autora nom resida na Corunha, poderá solicitar que lhe sejam enviados por correio postal.

Esta convocatória entrará em vigor ao dia seguinte da sua publicaçom nos meios.