Record Store Day 2013 em 'm!randa cultura para levar'

Sexta, 19 Abril 2013 07:42

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - O sábado, 20 de abril, celebra-se a primeira ediçom galega do Record Store Day (Dia das Lojas de Discos). M!randa - cultura para levar, sediada na capital da Galiza, vai acolher ás 14h15 o concerto do duo compostelano Grampoder, que apresentarám cançons pertencentes ao seu próximo primeiro disco Golf Whiskey, a editar nos inícios de maio.

A iniciativa parte da associaçom Desconcierto Cultural e tem a colaboraçom de oito lojas de discos independentes de várias cidades do País (Compostela, Corunha, Ourense e Vigo). O Record Store Day, que se vem celebrando em todo o mundo desde há vários anos o terceiro sábado de abril; pretende ser um convite à participaçom de artistas, fans e tendas numha data que rende tributo às lojas de discos independentes.

Coincidindo com a efeméride, vai ser publicado um vinil em 10’’ com cinco cançons inéditas de cinco bandas do panorama musical independente galego e vam-se celebrar concertos em cada umha das lojas participantes ao longo do dia. Igualmente, m!randa - cultura para levar vai celebrar a data oferecendo um desconto especial de 10% em discos ao longo de todo o dia no que a loja, sediada no n.º 1 da rua de Trás Salomé, permanecerá aberta com um horário especial de 11h00 a 15h00 e de 17h a 21h00.