O grupo de teatro do Pichel volta a representar a peça "Precárias"

Sábado, 08 Fevereiro 2014 01:33

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Gentalha - Precárias é um experimento de criaçom coletiva, com textos próprios e alheios que nos fazem refletir sobre as múltiplas situaçons que podemos entender como precárias que estám a nossa volta. Algo mais abrangente que o puramente material: a precarizaçom do pensamento, dos sonhos, das identidades, das emoçons...

Os sábados 8 e 15 de fevereiro poderemos assistir à representaçom teatral de Precárias. As representaçons seram às 21h00 no CS O Pichel (rua Santa Clara, nº21 - Compostela). A entrada tem um custo de 3 euros para persoas associadas e 4 para persoas nom associadas e está dirigida polo dramaturgo Zé Paredes.

O grupo de teatro amador do CS O Pichel foi criado no ano 2012-13. A peça foi o resultado de vários meses de aulas formativas e já foi representada em Compostela em quatro ocasions em junho de 2013, ante o sucesso de público o grupo decidiu repetir dous dias mais para que ninguém interessado fique sem a ver.

A Gentalha do Pichel é umha associaçom cultural que desde hai nove anos vem dinamizando a vida social e cultural da cidade compostelana oferecendo e reivindicando um lazer alternativo e em galego. Entre os diferentes propósitos deste coletivo está o de ensinar, difundir e desfrutar da cultura galega assi como o de fomentar o conhecimento de novas produçons culturais da Galiza em particular e da Lusofonia em geral.