"As Cantigas de Santa Maria. Arte BDieval" na Universidade de Deusto

De 10 a 24 de fevereiro a exposiçom estará no claustro do Edifício Central da universidade bilbaína

Quinta, 13 Fevereiro 2014 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - As Cantigas de Santa Maria. Arte BDieval é uma exposiçom itinerante de banda desenhada desenvolvida por BDBanda com a colaboraçom da Associaçom Galega da Língua (AGAL). Trata-se de uma aproximaçom inédita a estas cantigas que explora a sua vinculaçom com a banda desenhada. A Cátedra de Estudos Galegos da Universidade de Deusto, em colaboraçom com DeustoCampus Cultura e com o financiamento da Junta da Galiza, levará a exposiçom entre os dias 10 e 24 de fevereiro ao claustro do Edifício Central da universidade bilbaína.

Esta amostra, editada em português, analisa como nestas cantigas, para lá da importância musical, cabe destacar um «exemplo pioneiro da novena arte». Som dez painéis a toda cor em que se analisa de modo didático alguns dos recursos próprios da banda desenhada que se podem encontrar nesta obra, tais como a composiçom de página, a representaçom do tempo ou a integraçom de texto de desenhos. A exposiçom também achega informaçom de contexto sobre questões como a história, a língua ou a elaboraçom dos códices medievais.

As Cantigas de Santa Maria. Arte BDieval oferece-se aos centros educativos acompanhada de um guia didático onde se propõem múltiplas atividades a partir das cantigas, animando a compreendê-las como um projeto multimédia que se pode tratar a partir de disciplinas como Literatura, História, Música ou Arte.

O projeto foi apresentado publicamente em novembro de 2012 na seqüência do evento Culturgal, em que a AGAL, BD Banda e O Garaxe Hermético compartilhárom um posto e colocárom os panéis da exposiçom para desfrute do público que se achegou ao Palácio da Cultura de Ponte Vedra.

Quer levar a exposiçom ao seu centro?

Como indicado, a exposiçom tem caráter itinerante e está disponível para exibir aos centros educativos interessados, que podem solicitar mais informações no endereço eletrónico logistica[arroba]agal-gz.org.

 

 

+ Mais info: