Gentalha do Pichel, sancionada com 3.000€ por pintar um 'm' com um marcador

Da associaçom lembram que umha multa económica tam elevada nom se aplica nem sequer por levar o carro a 200 Km/hora

Terça, 08 Fevereiro 2011 16:33

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Ativista corrige com um marcador um sinal de Laraño para Laranho

PGL - A Gentalha do Pichel volta ser, mais umha vez, alvo de umha multa recorde. Nem mais nem menos que 3.000€ por terem modificado com um marcador um indicador vário de Boqueixón para Boqueixom. A cifra surpreende, pois por factos similares, numha ocasiom anterior a sançom foi de 'apenas' 460€.

Da Gentalha lembram que umha multa económica tam elevada nom se aplica nem sequer por levar o carro a 200 Km/hora, nem por guiar bêbado, nem por circular com a carrinha sem ter passado a inspeçom técnica.

O documento que notifica a sançom descreve os factos como «Instalar, retirar, trasladar, ocultar o modificar la señalización en una vía sin permiso y sin causa justificada. En las señales de dirección de población, cambia la nomenclatura de las mismas» [o negrito é nosso]. A associaçom compostelana ironiza com que decerto «fôrom inúmeras as pessoas que, querendo ir para Boqueixon, e nom encontrando o desaparecido topónimo, seguírom a estrada e fôrom dar a sabe Deus onde».

 

+ Ligaçons relacionadas: