Gentalha 'rebelará-se' com festa contra a elevada sançom económica

Para reporem o dinheiro destinado a pagar a multa, da Gentalha realizarám umha Festa do Marcador e organizarám umhas jornadas

Terça, 01 Março 2011 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Ativista corrige um indicador mediante um marcador

PGL - Da Gentalha do Pichel informam de que afinal realizárom o pagamento da multa de 3.000€ recebida por corrigirem um topónimo utilizando um marcador. Como desistírom de recorrer a sançom e pagárom aginha, pudérom-se acolher a umha reduçom, ficando 'só' na metade da cifra inicial. Porém, da associaçom compostelana já anunciárom novas ações como protesto.

Para reporem o dinheiro destinado a pagar a multa, da Gentalha realizarám umha Festa do Marcador, organizarám umhas jornadas para tratar «o retrocesso da liberdade de expressom» e editarám material têxtil a respeito desta temática.

Da associaçom compostelana assinalam que desistírom de recorrer a sançom porque com esse gesto perderiam a hipótese da reduçom da cifra à metade, polo nom pudérom fazer frente ao que consideram «um dos mais elaborados métodos de chantagem para a indefensom que conhece o chamado Estado de direito» e «mais um exemplo de cerco à liberdade de expressom».

 

+ Ligações relacionadas: