Reclamam conhecer o dinheiro público recebido polo jornal espanholista ABC

Recentemente, nesta publicaçom apareceu umha notícia que deturpava selvagemmente topónimos galegos

Quarta, 09 Março 2011 09:30

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Bieito Lobeira, porta-voz de Língua do BNG, denunciou este caso

PGL - Umha iniciativa parlamentar exige conhecer quanto dinheiro recebe o jornal ABC. O pedido tem como origem umha notícia publicada nos últimos dias nesse meio em que se deturpavam de forma selvagem os nomes de diferentes concelhos.

O despropositado de algumhas das manipulaçons provocou mesmo as chanças de Sei o que nos Figestes, mas o grupo parlamentar do BNG nom tomou a questom como piada. Assim, os nacionalistas lembram que o ABC recebe dinheiro das instituiçons galegas para a promoçom do nosso idioma. Entre as cláusulas da concessom «figura expressamente a condiçom de respeitar a oficialidade e originalidade da toponímia galega».

Também pedem para a Junta se pronunciar acerca da conveniência de a publicaçom continuar a receber subsídios públicos, e mesmo se seria pertinente exigir a devoluçom destes devido ao comportamento lingüístico do jornal.

Tradutor automático

Após o ruxe-ruxe na internet, a ediçom digital do ABC publicou umha nota explicativa culpando o «mau uso» de umha ferramenta —tradutor automático— como a origem dessa deturpaçom. Contudo, após supostamente terem 'retificado' a informaçom na versom online, persistia um chamativo La Coruña, o qual avalia as teses dos nacionalistas quanto ao comportamento lingüístico do jornal e aos incumprimentos em matéria toponímica.

 

+ Ligaçons relacionadas: