Junta, 'compreensiva' com o uso de toponímia deturpada polo jornal ABC

A nota de 'desculpa' do diário mantém a forma espanholizada La Coruña

Sexta, 08 Abril 2011 08:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Bieito Lobeira, porta-voz de Língua do BNG no Parlamento da Galiza

Maria Espantoso - Em resposta escrita ao grupo parlamentar do BNG, a Junta da Galiza desculpa o uso de toponímia deturpada por parte do jornal espanholista ABC, mesmo chegando a dar por boa umha nota de desculpas que, porém, continua a usar umha forma espanholizada, La Coruña.

Como já informou o PGL a 9 de março, do Bloco reclamavam tanto informações relativas às ajudas públicas recebidas por essa publicaçom como a valorizaçom da Junta diante do comportamento lingüístico do jornal.

Porém, e nom é a primeira vez, a Junta optou por responder parcialmente, pronunciando-se só ao aspeto toponímico e obviando qualquer referência às ajudas públicas que tenha recebido o ABC. Quando formulárom a pergunta por escrito, os nacionalistas lembravam que essa publicaçom «recebe dinheiro das instituições galegas para a promoçom do nosso idioma», e que entre as cláusulas da concessom «figura expressamente a condiçom de respeitar a oficialidade e originalidade da toponímia galega».

A resposta da Junta, assinada por Roberto Castro, diretor-geral de Relações Institucionais e Parlamentares —e que reproduzimos ao pé desta informaçom—, é pouco menos que compreensiva com o comportamento lingüístico do ABC, dando por boas quer as explicações do diário —que atribui à «inadequada utilizaçom de umha ferramenta a deturpaçom toponímica—, como a que na nota de desculpa o ABC mantenha a forma ilegal La Coruña —ver imagem ao pé destas linhas—.

Nota de 'desculpa' do ABC
[captura de ecrã da ediçom digital com data de 08/04/2011]

Chanças de Sei o que nos Figestes

O coletivo Sei o que nos Figestes... fizo também chanças sobre o esperpêntico uso da toponímia por parte do ABC, que chegara a publicar nas edições impressa e digital topónimos como 'Mordisco' (Travada), 'Desfiladero' (Foz), 'Cuevas de Rey' (Palas de Rei), 'Carretera' (Estrada) ou 'Roble' (Carvalhinho), por citarmos apenas alguns dos mais surpreendentes.

 

+ Ligações relacionadas: