AC A Revira e AC A Revolta, ganhadoras do Concurso Ângelo Casal 2011

Notável sucesso da segunda ediçom do certame promovido por Galicola

Quinta, 09 Junho 2011 07:40

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - As associaçons culturais A Revira de Ponte Vedra e A Revolta do Berbés (Vigo) som as ganhadoras da segunda ediçom do Concurso Ângelo Casal, cujo fundo está constituído a partir das vendas da Galicola, bebida refrescante promovida pola Associaçom Cultural Fontaira. O concurso acrescentou significativamente o número de participantes, o nível de votaçom e a quantia do prémio.

Através do concurso, a AC Fontaira dedica 5% da suas vendas da Galicola a um Fundo polo Galego, destinado a premiar as duas associaçons mais votadas entre aquelas que trabalhem pola normalizaçom e defesa da língua galega. O prémio decide-se por votaçom popular onde cada etiqueta da Galicola vale um voto.

O dinheiro acumulado no Fundo polo Galego ao longo deste ano foi de 644 euros (356 euros em 2010). Devido à alta participaçom (o projeto mais votado de 2011 recebeu mais votos do que a suma do cinco primeiros da ediçom anterior), a complexidade do reconto de votos tanto nas urnas dos centros sociais como por correio fizo que se adiasse a proclamaçom das entidades ganhadores além do 17 de Maio, Dia das Letras Galegas.

No total fôrom emitidos 2.044 votos, dos quais a Revira recebeu 758 e A Revolta 694. Outros projetos que concorriam ao concurso eram a Liga Nacional de Bilharda, a AC Semente Vermelha, a Escola Popular Galega, a Associaçom Cultural Bieito Fandinho, Galiza Contrainfo e a Associaçom Galega da Língua.

As duas entidades ganhadoras receberám a partes iguais o dinheiro do fundo acumulado, quer dizer, 322 euros cada umha.

 

+ Ligaçons relacionadas: