CTNL nom participará na apresentaçom da Rede de Dinamizaçom Lingüística

Da CTNL também denunciam a contradiçom de apresentar umha rede destas caraterísticas quando, aliás, recentemente se anulou a ajuda para o fomento do galego na administraçom local para este ano

Sexta, 28 Outubro 2011 12:50

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Nel Vidal, presidente da CTNL

PGL - A Coordenadora de Trabalhadores/as de Normalizaçom Lingüística (CTNL) decidiu nom participar no ato de constituiçom da Rede de Dinamizaçom Lingüística, a qual tem lugar hoje, dia 28 de outubro.

Em carta endereçada ao conselheiro da Educaçom, Jesús Vázquez Abad, a CTNL expom os diferentes motivos que os levárom a adoptar esta decisom. A primeira, que a Secretaria Geral de Política Lingüística (SGPL), que depende da Conselharia da Educaçom, decidiu unilateralmente obviar as conclusons do grupo de trabalho que devia fixar os critérios básicos da rede.

Outra das razons, que o conceito desta rede «despreza os departamentos técnicos» para a promoçom da língua —os serviços de normalizaçom linguística (SNL)—, pois permite-se que sejam nomeados como representantes técnicos nos concelhos pessoas como, nalgum caso, auxiliares administrativos ou técnicos em desportos, isto é, pessoas nom vinculadas ao trabalho normalizador.

Da CTNL também denunciam a contradiçom de apresentar umha rede destas caraterísticas quando, aliás, recentemente se anulou a ajuda para o fomento do galego na administraçom local para este ano.

Questons de funcionamento vinculadas ao «excessivo controlo» exercido pola SGPL sobre os órgaos da rede som outras das críticas realizadas pola CTNL.