Junta reduz orçamento para normalizaçom e promove hibridaçom galego-castelhano

A quantidade de erros, bem como a sua arbitrariedade, parecem descartar que se devam ao deficiente uso de umha ferramenta de traduçom automática

Quinta, 03 Novembro 2011 09:04

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - O Instituto Galego de Consumo, que depende da Conselharia de Economia e Indústria, remeteu a umha pessoa umha resposta que, em apenas três parágrafos, contém erros lingüísticos de todo tipo, convertendo o idioma resultante num completo híbrido galego-castelhano.

A quantidade de erros, bem como a sua arbitrariedade, parecem descartar que se devam ao deficiente uso de umha ferramenta de traduçom automática, ou ao menos nom exclusivamente a isso. A seguir colocamos alguns exemplos:

  • En relación con la reclamación presentada por vostede
  • a partires da recepción de la presente notificación, para aceptar esta vía, o considerar que é a que procede para la resolución de su notificación
  • ser éste procedimiento elegido por la empresa para a solución dos conflictos cos seus clientes
  • O Real Decreto 231/2008 polo que se regula el Sistema Arbitral de Consumo, expresa que la vía del arbitraxe debe ser aceptada por ambalas partes
  • (...) sobre la cuestión obxeto en litixio


Devido à gravidade dos factos, impensáveis em instituiçons espanholas em relaçom com o castelhano, já fôrom exigidas explicaçons no Parlamento, mesmo pedindo um pronunciamento expresso da Secretaria Geral de Política Lingüística.

Este tipo de situaçons produzem-se, aliás, num momento em que os orçamentos da Junta para 2012 reduzem em mais dos 50% os investimentos para normalizaçom lingüística, revela Galicia Confidencial. Ainda, este caso conhece-se poucos dias depois de termos referenciado no PGL umha informaçom de Galiza Livre sobre um exame de aptitude empresarial redigido «em portunhol», segundo a apreciaçom do veterano portal soberanista.

 

+ Ligaçons relacionadas: