Converxencia XXI reclama TVG integramente em galego e receçom na Galiza das TV portuguesas

Passo à frente contra a regressom lingüística da formaçom liderada por Carlos Vázquez Padín

Quarta, 04 Janeiro 2012 09:49

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Na imagem, um ato de Converxencia XXI

PGL - A formaçom liberal galega Converxencia XXI publica no seu website umha solicitude à Junta da Galiza «em prol da liberdade televisiva» e pola receçom das TV portuguesas no nosso país.

A Junta da Galiza investiu nos últimos meses dous milhons de euros para ampliar a cobertura da TDT instalando novos multiplex em 69 centros emissores. Com esta obra, a televisom digital terrestre chegará a 96% da populaçom galega, mas sem isso implicar qualquer incremento da oferta televisiva.

Converxencia XXI informa de que com o mesmo ou menor investimento, poderiam-se fazer as obras necessárias para a receçom das televisons portuguesas, o qual resultaria numha maior variedade de conteúdos, incluídos os filmes em versom original legendada —habituais no país vizinho—. Ainda, lembram que um acordo do Conselho da Europa de 2005 reclama que Espanha garanta essa receçom.

Esta formaçom política também insta a Junta da Galiza a adaptar a programaçom da TVG e a TVG2 para serem integralmente em galego e para que exija do Governo espanhol o cumprimento dos compromissos internacionais relativos à Galiza.

 

+ Ligaçons relacionadas: