20 de janeiro, no Auditório de Galiza, concerto de apoio à Escola Semente

Haverá umha “fila 0” para poderem contribuir quem quiser · Participarám músicos internacionais da Galiza e o Brasil

Quinta, 05 Janeiro 2012 10:44

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGLSementes de música: 18 cordas e tres sereias - Galiza e Brasil sementando sonhos é o título do concerto que decorrerá no Auditório da Galiza a 20 de janeiro, a partir das 21h30, em apoio à escola popular de ensino galego Semente.

O ato contará com a colaboraçom dum maravilhoso elenco de artistas de prestígio internacional da Galiza e do Brasil,  como as cantoras galegas Guadi Galego, Ugia Senlhe e Ugia Pedreira, e os músicos brasileiros Guilherme Fernández, Sérgio Tannus e Fred Martins.

Semente, é um projeto social e popular da Gentalha do Pichel que oferece um espaço educativo integramente em galego e onde é a nossa cultura o cerne sobre o qual se desenvolve umha pedagogia crítica e laica. Pola manhá trabalha como centro educativo atendendo crianças entre 2-6 anos e polas tardes funciona como ludoteca para miúdos de 6 até 12 anos.

Também se organizam obradoiros os fins de semana dedicados quer a cativas e cativos, quer a maiores, maes e pais, aberto a qualquer pessoa que desejar colaborar neste projeto formativo e educativo.

O próprio dia 20 de janeiro, à tarde, a ludoteca da Semente abrirá as portas para as visitas e será gratuita das 16 às 20 horas. Depois do concerto haverá sessom DJ com música galega e brasileira no C.S. O Pichel.

Os bilhetes estám à venda na Gentalha do Pichel ou em discos Gong ao preço de 10€. Podem-se reservar na direçom de correio info[arroba]sementecompostela.com. Todos os benefícios irám para a escolinha. Também há umha “fila 0” para quem nom puder ir ao concerto, mas deseje colaborar e fazer assim umha achega.

 

+ Ligaçons relacionadas: