Nasce ‘Proxecto Neo’, programa de Rádio Burela centrado nos neofalantes

Será realizado pola equipa de Inovaçom Educativa do IES Perdouro

Sexta, 06 Janeiro 2012 00:33

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - A 4 de janeiro começou a emissom de ‘Proxecto Neo’, programa de Radiofusión, rede de rádios municipais, com protagonismo total para neofalantes. É um trabalho da Área de Inovaçom Educativa do IES Perdouro de Burela que se emite semanalmente as quartas-feiras de 17 a 18 horas.

‘Proxecto Neo’ é o resultado da colaboraçom entre a Área de Inovaçom Educativa do IES Perdouro e Rádio Burela. O seu diretor e condutor é Bernardo Penabade, docente no centro educativo, que descreve o espaço como o lugar em que serám protagonistas as vozes dos neofalantes.

No concelho burelao, comenta Bernardo Penabade a Crónica3, é muito fácil, polas suas condiçons sociológicas e de crescimento, encontrar exemplos de neofalantes, quer “persoas que vinhérom de Valhadolide, das Astúrias, de Andaluzia ou de Madrid, ou que vinhérom de diversos países do mundo e chegarám aqui à Marinha e se integrárom perfeitamente”, quer pessoas procedentes das grandes cidades galegas que começárom a se desenvolver totalmente em galego ao chegarem a Burela.

O de anteontem foi um programa de apresentaçom que tivo como convidada a professora Maria José Andión Fontela em qualidade de coordenadora do Projeto de Inovaçom Educativa ‘Modelo Burela’. Andión Fontela explicou a linha dos seguintes espaços, cujo objetivo geral é ultrapassar fronteiras e chegar a todos os neofalantes galegos espalhados polo mundo, para o qual contará com a comunicaçom com os ouvintes através das redes sociais.

Radiofusom é a programaçom comum elaborada por Emissoras Municipais Galegas (EMUGA) a partir de umha perspetiva local, com vocaçom pluralista e comprometida com a Galiza. Recentemente a Junta da Galiza negou a ajuda para rádios à cadeia, formada por 17 emissoras municipais que emitem em galego.

 

+ Ligaçons relacionadas: