Morreu o sociolingüista basco Txillardegi

"Se eu fosse galego, seria lusista. Essa seria também a opçom de Joan Coromines"

Segunda, 16 Janeiro 2012 11:04

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - O sociolingüista basco Jose Luis Alvarez Enparantza, Txillardegi, faleceu neste passado sábado em sua casa de Donostia, ao meio-dia. Foi um dos pioneiros da defesa da sociolingüística do euskara e, juntamente com Krutwig e Mitxelena, foi um dos principais promotores do Euskara Batua [basco unificado]. Contava 82 anos.

O seu romance Leturiaren egunkari ezkutua (O diário escondido de Letúria) foi o ponto de partida para a moderna narrativa basca; em 1957 integrou a Euskaltzaindia (Academia Basca da Língua).

A respeito da Galiza, participou ativamente em vários dos Congressos Internacionais organizados pola AGAL na década de 80 e 90, mostrando sempre a sua simpatia pola causa nacional e lingüística galega, sendo defensor da estratégia reintegracionista para a nossa língua.

Recentemente, no número 2 da revista Tintimám foi publicada umha alargada entrevista em que se mostrava, mais umha vez, favorável ao reintegracionismo lingüístico e rejeitava qualquer umha das soluçons isolacionistas propostas até hoje, mesmo com reflexons que chegavam ao plano político: «O Bloque Nacionalista Galego tivo umha muito boa oportunidade no governo e agora, nom compreendo o BNG em sua postura com respeito ao idioma. Deveriam manter umha posiçom favorável ao reintegracionismo». A entrevista na íntegra com Txillardegi foi reproduzida polo Diário Liberdade, a qual está disponível nesta ligaçom.

Trajetória política

Precisamente, no ámbito político foi um dos fundadores da ETA, e participou também na criaçom da mesa de Altsasu, do Herri Batasuna e do Aralar (organizaçom cindida do Herri Batasuna),  sendo que nos últimos tempos voltou a apoiar a esquerda abertzale tradicional.


+ Mais informaçom:

  • «Txillardegi» (Wikipédia)
  • «Txillardegi hil da / Morreu Txillardegi» (ASEH)
  • «Jose Luis Alvarez Enparantza Txillardegi hil da» (Gara)
  • «Txillardegi hil da» (Berria)
  • «Morreu Txillardegi, sociolingüista e patriota basco apoiante do reintegracionismo lingüístico galego» (Diário Liberdade)
  • «Txillardegi, um dos fundadores da ETA, faleceu em Donostia» (boltxe.info)
  • «Homenagem nacional a uma figura euskaltzale» (Gara)
  • «A esquerda abertzale homenajeará Txillardegi no dia 29 em Donostia» (Gara)
  • Fotos: Txillardegi hil da (Berria)